Alison Fairlie

Professor Alison Fairlie FBA o tshotswe ka kgwedi ya Motsheganong a le malatsi a le masome a mabedi le boraro ka ngwaga wa Sekete le makgolo a robabongwe, lesome le bosupa (born 23 May 1917), mme a tlhokafala ka kgwedi ya Tlhakole a le masome a mabedi le boraro ka ngwaga wa Sekete le makgolo a robabongwe, borababongwe le borro (died 21 February 1993). O tshotswe ko ga Mmamosadinyana, ele moithuti yo o popota wa dibuka tsa Sefora, a felela a amana le sekolo se segolwane sa Girton College, kwa Cambridge.

Alison Anna Bowie Fairlie
Tsalo	23 May 1917 Lerwick
Leso	21 February 1993 Cambridge
Letso	British

Botshelo le Pereko

Mme Alison Anna Bowe Fairlie o tsholetswe kwa motseng wa Lerwick o o mo setlhakatlhakeng sa Shetland. Rragwe ne ele Moruti wa Presbyterian kwa Lerwick, mme o ne a tlhokafala fa Mme Fairlie a sanies a le monnye. A tloga a tsena ko St Hugh's College kwa Oxford ka ngwaga wa 1935, a fetsa ka setankana sa matshwao a ko godimo thata mo dithutong tsa Modern and Medieval Languages.

Fa a boela kwa Paris, France ka tsa pereko, o ne ga mo kgoreletsa go tsweledisa dithuto tsa gagwe, ka nako ya fa a boela ko Paris o ne a fitlhela masole a Germany a le gaufi le go fenya France ka 1940. A tloga a tsaya mosepele go ya kwa teropong ya Bordeaux kwa a ne a bona baeteledipele ba mafatshe a mange ba tlogela dikoloi tsa bone tse di turang gore ba kgone go falola ntwa e e slang. Ka go tlhoka lesego, Mme Fairlie o ne a sena pasa e e mo letang go tswa mo France motlhofo, a felela a kopa thuso mo batho ba Dutch ba neng ba kgweetsa sekepe se ne se ya kwa lefatsheng la Enyelane.

Mme Fairlie o ne a kgona go fetsa dithuto tsa gagwe go nna Ngaka ya tsa Philosophy ka ngwaga wa 1943, ka nako eo o ne a tlhapiwa ke ba Bletchley Park, lekalana le ne ranola melaetsa e e neng tsewa ka sephiri go tswa kwa Germany. O ne a hirilwe ele mothusi ko Foreign Office, a bereka ka fa tlase ga Mme Vivienne Alford. Tiro ene ba e dira e ne e remeletse mo go tlhaloganyeng melaetsa ya sephiri ka go leba mafoko a a sa tlwaelesegang. Go ne ga dira gore Mme Fairlie a atlose dithuto ya gagwe go akaretsa kgang tsa padi le ditso. Leonard Wilson Forster o ne le ene a berekela kwa Bletchley o ne a tlhalosa fa ditlhotlhomiso tse ne Mme Fairlie a di dirisetsa dithuto tsa gagwe tsa bongaka ne di santse di ka dirisiwa, ka di ne tsa remelela mo go tlhaloganyeng dipuo tsa mafatshe a Germany, Italy le Japan mo go tseneletseng. Lekalana le, go ne ga belaelwa fa ba ne ba kgotlhadiwa ke dithuto tsa ga Geoffrey Tandy, yo e ne ele Rre wa thutego e e ko godimo.

Buka ya ga Mme Fairlie ya ntlha Leconte de Lisle's Poems on the Barbarian Races e ne ya gatisiwa ka 1947. Mme Fairlie o ne a fetola Doctoral thesis ya gagwe go koala buka e. Mme Fairlie o ne a tlhokafala kwa Cambridge ka ngwaga wa 1993.

Metswedi

1. Malcolm Bowie, ‘Fairlie, Alison Anna Bowie (1917–1993)’, Oxford Dictionary of National Biography, Oxford University Press, 2004 accessed 11 October 2015
2. Obituary: Professor Alison Fairlie, The Independent, Retrieved 11 October 2015.
3. Alison Fairlie, British Association, 1993.
4. Alison Fairlie, Extract from Proceedings of the British Academy obituary by Malcolm Bowie FBA (PBA 84, 285-287).