Bina Xeredaxi

Bina Majid Mustafa, yo o itsegeng jaaka Bina Qeredaxi (Kurdish), o tshotswe  ka ngwaga wa 1988 kwa Duhok,

Bina Qeredaxi
بینا قه‌ره‌داغی
Bina Qeredaxi
Tsalo	(1988-10-12) 12 October 1988 Duhok, Kurdistan
Letso	Kurdish
Thuto	University of Duhok
Tiro	Filmmaker & program manager at duhok iff
Dingwaga tsa a le mo tirong	2007 – present
Lephata	Duhok International Film Festival
Maranyane	duhokiff.com

Kurdistan Region ya Iraq. Ke motlhami wa difilimi le moitseanape wa media yo o nang le maitemogelo a dingwaga tse di fetang boroba-bongwe mo go direng difilimi, indaseteri ya thelebišene le tsamaiso ya setso. Bina o tsere BA ya gagwe ya Molao le Dipolotiki ka ngwaga wa 2010 kwa Yunibesithing ya Duhok mme o simolotse tiro ya gagwe ya difilimi le ya media ka ngwaga wa 2007 o simolotse ka go kwala le go tsamaisa lenaneo le le tumileng la go godisa kitso ya loago le le bidiwang (Tik Tak) la Kurdistan TV channel, le latelwa ke mananeo a mangwe a thelebišene a le mmalwa mo dithelebisheneng tse di eteletseng pele tsa Kurdish. Mo dingwageng tse di fetileng, o ne a dira mo maemong a a farologaneng mo difiliming tse di gapileng dikgele tse di tshwanang sa "Bekas" ya ga Karzan Kadir. Ke mothei-mmogo le motsamaisi wa lenaneo la Duhok International Film Festival.

Tiro Ya gagwe Ya botshelo Jotlhe

Thelebishene

Ka ngwaga wa  2007, fa Bina a ne a santse a ithutela dikirii ya gagwe ya bachelor, o ne a simolola tiro ya gagwe ya bobegakgang ka go kwala le go tsamaisa lenaneo le le ratwang thata la go godisa kitso ya loago le le bidiwang "Tik Tak" kwa Kurdistan TV. Morago ga go simolola ka katlego, o ne a tsamaisa le go dira mo mananeong a mangwe a thelebišene a a nang le bokgoni mo go tsa loago mo dithelebisheneng tse dikgolo tsa Kurdish jaaka "Restart" mo WAAR TV ka ngwaga wa 2015 mme kwa bofelong a bereka ele  Mothusa Mookamedi wa Lenaneo mo Rudaw Media Network.

Difilimi tse di dirilweng

Jaaka moitseanape wa Media Productions, Bina o ne a simolola go nna le seabe mo lekgotleng le le neng le sa tswa go dirwa bosheng le le bidiwang Independent Kurdish cinema kwa Kgaolong ya Kurdistan. O ne a tsaya karolo mo bontsi jwa ditshamekong tsa boditšhabatšhaba tsa difilimi ka go tsaya ditiro le maemo a a farologaneng mo ditshamekong tsa difilimi jaaka Mothusa-Motsamaisi, Motsamaisi wa Casting, le Modiragatsi wa Thulaganyo mo difiliming tse di gapileng dikgele jaaka "Bekas" ya ga Karzan Kader le "Before Snowfall" ya ga Hisham Zaman.

Dibidio tsa mmino

Bina o ne gape a dira bereka ele motsamaisi mo dibidiong tsa mmino tsa bataki  Ba-Kurd, ka mokgwa o o kgethegileng o o farologaneng mo bidiong ya mmino wa Se-Kurd. [ tshupiso e tlhokega]

Ditiragalo

Nngwe ya boikgantsho jwa ga  Bina Qeredaxi e ne e le go nna motlhami-mmogo wa Duhok Film Festival ka 2010, e e neng e le go tlhatlosiwa ga baesekopo ya Kurdish mo kgaolong ya Kurdistan ya Iraq, le mo nakong ya gompieno   Duhok International Film Festival e tsewa e le moletlo wa baesekopo o o botlhokwa go gaisa kwa Kurdistan. Mo bogompienong o ntse a le manejara wa lenaneo la Duhok IFF go tloga ka 2013. O ne a le tlhogo ya baemedi Kurdish kwa Nashville Film Festival 2013 kwa United States mme a akaretsa Mokete wa Kurdish Cinema mo gotlhe go ne go rulagantswe ke Nashville Film Festival le Academy Partnership for Kurdish Film Celebration.

Go bua phatlalatsa le go tlhagelela

Jaaka motsamaisi wa setso, Bina e ntse e le moemedi yo o matlhagatlhaga wa baesekopo ya Se-Kurd mo lefatsheng ka bophara ka go rotloetsa difilimi tsa Se-Kurd le boitshupo jwa setso, mo gae le boditšhabatšhaba.

TEDx

Ka ngwaga wa 2017, o ne a nna sebui kwa khonferenseng ya TEDxDuhok, mme a neela puo ka ga maatla a a bonolo le ditlamorago tsa one mo dinageng tsa lefatshe la boraro.

FilmArche

Ka kgwedi ya Motsheganong ngwaga wa 2017, Bina Qeredaxi o ne a neela puo go baithuti ba sekolo sa FilmArche kwa Berlin ka mathata a a lebaneng le basadi ba ba dirang mo indasetering ya difilimi le ya media mo setšhabeng sa bagwebi ba kwa botlhaba-gare, mmogo le seabe sa Duhok IFF mo go rotloetseng boitshupo jwa setso sa Kurdistan lefatshe ka bophara.

Moletlo wa difilimi wa Nashville

Ka kgwedi ya  Moranang ngwaga wa 2013, ka fa gare ga thulaganyo ya Nashville Film Festival kwa Tennessee, Bina Qeredaxi mmogo le batlhami ba bangwe ba le bararo ba difilimi, ba ne ba tlhagisa phanele ka ga dikotsi tsa go dira difilimi kwa botlhaba-gare.

Difilimi tse a tsereng karolo

• Separation (2017) by Hakar Abdulqader – Researcher
• Die Schwalbe (2016) by Mano Khalil – Casting Director
• Memories on Stone (2014) by Shawkat Amin Korki – Extras Coordinator
• Krigsduvor (2014) by Zanyar Adami – First Assistant Director
• Before Snowfall (2013) by Hisham Zaman– Casting Assistant Director & Production coordinator
• Bekas (2012) by Karzan Kader – Second Assistant Director

Dietsele

• Kurdistan's Ministry of Culture and Youth's Honorary Award for best female filmmaker – 2013.
• Kurdistan Journalists Union's Honorary Award for the strong presence in the Media sector – 2015.