Blanche Lemco van Ginkel
Blanche Lemco van Ginkel (o tshotswe ka di 14 tsa Sedimothole 1923 mme o tlhokafala ka di Phalane a tlhola
Blanche Lemco van Ginkel | |
---|---|
Setshwantsho:Photo of Blanche Lemco van Ginkel.jpg | |
Tsalo | Blanche Lemco 14 Sedimonthole 1923 London, England |
Leso | 20 Diphalane 2022 Toronto, Canada | (aged 98)
Letso | Canadian |
Alma mater | |
Notable work | Tempolete:Cslist |
Movement | Modernist architecture |
Mosadi | |
O fetheletse | Tempolete:Ubli |
malatsi a le masome mabedi ka ngwaga wa 2022) O tsholetswe kwa British ke mo segi wa ditlaagana tsa dikago tsa ditoropo, ke morutabana o diretseng Montreal le Toronto. O itsiwe ka go sega le go betla ditlaagana tsa majabajaba, le go rulaganyetsa Expo 67 le go etela pele tshomarelo ya Old Montreal.[1]Lemco van Ginkel ke ene mosadi wa ntlha go etela pele lefapha la ba segi le mabetli ba ditlaagana tsa matlo kwa lefatsheng la Canada e bile a tlhophiwa go nna leloko la sekolo sa Royal Canadian Academy of Arts. O ile a nna mosadi wa ntlha go abelwa boloko jwa lekalana la Royal Architectural Institute of Canada[2] fa ka ngwaga wa 2020 a ile a abelwa seetsele sa tlotla le seetsele sa gauta sa RAIC.[3]
Tiro
fetolaLemco van Ginkel o ne a lemogwa ka go kopanya thulaganyo ya ditoropo le bokgoni jwa gagwe jwa go aga, a tsepamisitse mogopolo mo go tlhameng ga segompieno jaaka go supilwe ke tiriso ya dilo tse di bogale le tse di sa kgabisang. Ka bo1950 le bo1960, feme ya gagwe e ne ya etelela pele diporojeke tse di akaretsang Bowring Park kwa St. John's, Newfoundland le Labrador, e e neng ya neelwa kwa khonferenseng ya CIAM ya 1959 kwa Otterlo. Porojeke eno e ne e akaretsa tiro ya gagwe ya go aga mosele wa Van Ginkel o o diretsweng batho ba ba tsamayang ka dinao. Dikomishene tse dingwe tsa ga Van Ginkel di ne di akaretsa leano la lefelo la bogare la Montréal, go dirwa ga ditoropo tsa Midtown Manhattan, le go agiwa ga Pahang Tenggara, kwa Malaysia.
Lemco van Ginkel le molekane wa gagwe ba ne ba ikarabelela mo go direng polane e kgolo ya dipontsho tsa lefatshe tsa Expo 67, e e neng e le tiragalo e e botlhokwa ya setso mo hisitoring ya Montreal le ya Canada. O ne a bo a thapa Moshe Safdie, yo o neng a tlhama lefelo le le itsegeng la Habitat 67. Gape ba lelapa la ga van Ginkel ba akgolwa ka go bo ba bolokile Vieux Montreal (Old Montreal) gore e se ka ya tlhabologa. Pego e e tseneletseng e ba neng ba e baakanyetsa e ne ya thibela gore go se ka ga agiwa tsela e e kwa godimo e e neng e tla kgabaganya lefelo leno. Gape ba itsege ka maiteko a bone a go sireletsa thaba ya Mount Royal, ba eteletse pele porojeke e e atlegileng ya go buelela go emisa go agiwa ga karolo e e kwa borwa ya serapa sa dithaba.
Morutabana
fetolaLemco van Ginkel o ne a ruta go aga mo diyunibesithing kwa United States le Canada. Go tloga ka 1951 go fitlha ka 1957, o ne a ruta kwa Yunibesithing ya Pennsylvania, a latelwa ke go ruta kwa Yunibesithing ya Harvard, Université de Montréal, le Yunibesithi ya McGill. Go tloga ka 1980 go ya go 1982, e ne e le mogokgo wa lefapha la architecture le landscape architecture kwa Yunibesithing ya Toronto, mosadi wa ntlha go nna le maemo a a ntseng jalo kwa Canada.
Lemco van Ginkel a ka bonwa le Prof. James Murray le motlhami Ian MacNeill mo Suburban Living: Six Solutions (1960), filimi ya National Film Board of Canada e mo go yone ba dirang tshekatsheko e e masisi ya ditoropo tse dintšhwa tse tlhano tsa Yuropa le diporojeke tsa matlo, go akaretsa Harlow le Alton Estate kwa UK, Unité d'habitation kwa France, Pendrecht kwa Holland, le Vallingby kwa Sweden, le go di bapisa le Don Mills wa Canada.
Metswedi
fetola- ↑ "McGill University News". McGill University News. Retrieved 8 March 2015.
- ↑ Adams, Annmarie (25 October 2009). "Blanche Lemco van Ginkel". The Canadian Encyclopedia. Historica Canada. Retrieved 26 October 2022
- ↑ "Gold Medal 2020 Recipient". Royal Architectural Institute of Canada. 26 March 2020. Retrieved 31 March 2020.