Brett Evans

Brett Evans (a tshotswe 8 Mopitlo 1982 mo Johannesburg, Gauteng) ke motshameki wa pele wa kgwele ya dinao wa mo Aforika Borwa yoo tshameketseng setlhopha sa Liga e kgolwane sa  Ajax Cape Town. Evans ke mongwe wa bao ba ba simologileng le setlhopha sa Ajax Cape Town mme ebile o tshamikile mo setlhopheng se dingwaga tse di lesome le boraro tsa botshelo jwa gagwe botlhe ele motshameki wa kgwele ya dinao. Brett Evans gompieno ke mokatisi wa setlhopha sa kgwele ya dinao sa basimane ba dingwaga tse di kwa tlase ba setlhopha sa Albion SC gape ke mothusa mokatisi kwa setlhopheng sa sekole sa ithutelo ditiro sa Point Loma  Nazarene University.

Ajax Cape Town

Evans ke mongwe wa bao ba ba simologileng le setlhopha sa Ajax Cape Town mme ebile a tshamekile motshameko wa gagwe wa ntlha ka ngwaga wa 1999. O  tshamikile mo setlhopheng sa Ajax  dingwaga tse di lesome le boraro tsa botshelo jwa gagwe botlhe ele motshameki wa kgwele ya dinao mme ebile a tshamekile makgetho a le makgolo a mararo lesome le bongwe a simolola seo eleng rekoto mo setlhopheng. Ene yare ka ngwaga wa 2012,  Evans a tsena mo ditekeletsong le ditlhopha tse ditona di akaretsang sa Portland Timbers seo  bane ba fenya ka nno tse pedi go lefela la Seattle Sounders FC mo motshamekong wa batshameki baba nang le tumalano le setlhopha ntswa basa tshameke mo metshamekong ya setlhopha sa ntlha. Evans one a gobala lengole le mosifa mme a tlogela Ajax ka ngwaga wa 2012 fa tumalano ya gagwe le setlhopha ene e fela.

Tiro ya gagwe mo setlhopheng sa sechaba

Ke mongwe wa batshameki ba Aforika Borwa bao ba tsenang mo seatleng ba ba tshamekileng mo ditlhopheng tsa bosechaba tsotlhe mme ebile ene ele karolo ya setlhopha sa Aforika Borwa seo se tshamekileng mo metshamekong ya sejana sa mafatshe a Aforika sa ngwaga wa 2008. O tshamekile mo setlhopheng sa sechaba a simolola abo a fetsa motshameko makgetho ale lesome.

Tiro jaaka mokatisi

Nako ya fa a tshameka jaaka motshameka morago wa setlhopha Ajax Cape Town, Evans ene ele mothusa mokatisi wa basimanyana ba dingwaga tse di kwa tlase ga lesome le bobedi ba setlhopha seo  go tloga ka ngwaga 2010 go tsena 2012. Gompieno ke mokatisi kwa setlhopheng sa Albion SC gape ke mothusa mokatisi kwa setlhopheng sa sekole sa ithutelo ditiro sa Point Loma  Nazarene University.