Wikipedia

Cata Coll

Catalina Tomàs "Cata" Coll Lluch (Balearic Catalan: [kætə koʎ ʎyx] ⓘ ; yo o tshotsweng ka Moranang a le masome a mabedi le boraro ka 2001) ke motshameki wa kgwele ya dinao e e porofeshionale yo o tshamekang e le motshwaradino kwa setlhopheng sa Liga F sa FC Barcelona le kwa setllhopheng sa Spain sa bosetshaba. Ka selemo sa 2018, a le dingwaga tse lesome le bosupa ene e le mongwe wa bakapotene fa go diragala ditso tsa katlego tsa setlhopha sa U17 kwa sejaneng sa lefatshe. Mo ngwageng o ne oo o ne a simolola mo setlhopheng sa U20 kwa sejaneng sa lefatshe kwa France.[4]

Cata Coll
Coll with Barcelona in 2024
Motshameki wa kgwele ya dinao
Leina ka botlalo Catalina Tomàs Coll Lluch[1]
Letsatsi la tsalo (2001-04-23) 23 April 2001 (age 23)[2]
Lefelo la tsalo Pòrtol, Spain[3]
Bolele 1.70 m (5 ft 7 in)[1]
Maemo Goalkeeper
Club information
Current team
 Barcelona
Number 13
Tiro ya gagwe*
Dingwaga Setlhopha Metsh (Dinno)
2015–2016 Athletic Marratxí
2016–2019 Collerense
2019– Barcelona 23 (0)
2019–2020 → Sevilla (loan) 16 (0)
Setlhopha sa setshaba‡
2016–2018 Spain U17 18 (0)
2018 Spain U20 6 (0)
2019 Spain U19 9 (0)
2021–2022 Spain U23 2 (0)
2023– Spain 8 (0)
Honours
Women's football
Representing  ESP
FIFA Women's World Cup
Winner 2023 Australia–New Zealand
UEFA Women's Nations League
Winner 2024 France–Netherlands–Spain
FIFA U-20 Women's World Cup
Runner-up 2018 France
FIFA U-17 Women's World Cup
Winner 2018 Uruguay
*Metshameko ya gagwe le dinno, correct as of 20:40, 19 November 2023 (UTC)
‡ National team caps and goals, correct as of 20:40, 21 December 2023 (UTC)

Botshelo ja pele

fetola

Catalina Tomàs Coll Lluch o tshotswe ka Moranang a le masome a mabedi le boraro ka 2001 kwa Mallorca;[5] o tswa kwa toropong ya Pòrtol e e kwa mmasepaleng wa Marratxí kwa setlhaketlhakeng seo.[6] O reeletswe ka Catherine of Palma yo e leng moitshepi yo o sireletsang.

Tiro ya setlhopha

fetola

Carta Coll o simolotse go tshameka kgwele ya dinao a le dingwaga tse thataro kwa setlhopheng sa Sant Marçal. O simolotse a tshameka e le motshamekamorago yo o fa gare go fitlhela a leka gotshwaradino a le dingwaga tse lesome le motso. O tshamekile kwa ditlhopheng tsa basimane go fitlhela a nna dingwaga tse lesome le bone, fa a tlhatlogela kwa godimo kwa setlhopheng sa bomme morago ga go saenela Athletic Marratxí, pele ga a ya kwa Collerense.[7] Mo setlheng sa gagwe sa bofelo, e ne e le mongwe wa batshameki ba popota mo go boneng go tlhatlogela kwa liking e e neng e le gone e simololwanga ya Iberdrola Challenge League.[8] Fa a sena go nna pinagare mo setlhopheng sa gagwe le go tlhomologa mo go makatsang, Coll a tsholetsa kgatlhego ya ditlhopha tsa Primera División, a felela a tsaya neo ya Fútbol Club Barcelona. Ka Phukwi wa 2019, go ne ga begwa fa a saenne tumalano go fitlha ka 2023 le gore o tla a tshameka setlha sa gagwe sa ntlha a le kwa kadimong kwa Sevilla FC ya Primera División.[9][10] Coll a simolola setlha a kgaogana metsotso le Sara Serrat le Noelia Ramos,mme fa metshameko e ntse e tsamaya ya nna ene motshwaradino yo o neng a dirisiwa thata ke mokatisi. Mo setlheng santlha kwa First Division, Coll o ne a tshameka metshameko ya liki e le lesome le borataro.

Ka Phukwi wa 2020, Barcelona ya tlhomamisa fa Coll a boa morago ga go tshameka ngwaga o o fitileng a le mo kadimong. Ka Phalane wa 2020, Coll a tshameka kwa dikotleng morago ga kgobalo ya ga Sandra Paños e e neng ya mmaya kwa ntle ga lebala dibeke di le mmalwanyana. Coll o ne a buwa gore Paños e ne e le mogaka wa gagwe fa a sale ngwana.[11] Coll o ne a tsaa ditshwetso mo motshamekong wa liki kgatlhanong le Atlético Madrid kwa a thibileng penaliti fa motshameko o le mo go lefela-lefela.[12] O simolotse tshameko ya gagwe ya Champions League mo motshamekong wa go ipatlela phatlha o neng o tshamekiwa kgatlhanong le PSV o setlhopha se neng sa o fenya ka dino tse nne go e le nngwe.[13][14] Ka Sedimonthole wa 2020, o ne a gobala mo motshamekong kgatlhanong le Sevilla. Ba bongaka ja setlhopha ba ne ba bega fa a bone kgobalo ya meniscus mo leotong la gagwe la moja.[15][16] Kwa bofelong ja Mopitlo o ne a gololwa ke ba bongaka.

Ka Tlhakole wa 2023 a oketsa tumalano ya gagwe le setlhopha sa Blaugrana go fitlhelela Seetebosigo wa 2026.[17]

Tiro ya boditshabatshaba

fetola
 
Coll Barcelona ka Mopitlo ka 2024

Ka 2016 a le dingwaga tse lesome le botlhano o ne a tlhophiwa go ya go tsenelela European Under-17 Championships kwa Czech Republic. Setlhopha se ne sa tsaya maemo a bobedi morago ga go latlhegelwa kwa makgaolakgang kgatlhano le Germany.[18] ka Motsheganong wa 2018 o ne e le leloko la setlhopha sa Spain se se neng se ya go tshameka European Under-17 Championships kwa Lithuania. Nako e, o ne a setse a le mongwe wa bakapotene ba setlhopha, setlhopha sa Spain se ne sa fenya bosimega ja dikgaisano tseo morago ga go fenya Jeremane kwa makgaolakgang.[19]

Kwa bofelong ja ngwaga o ne oo setlhopha se sehibidu sa ya kwa Uruguay go ya go tshameka mo sejaneng sa lefatshe sa U17. Setlhopha seo se ne sa bewa bommampodi ba lefatshe e le lantlha morago ga go fenya sa Mexico kwa makgaolakgangnyeng. E ne e le mongwe wa bagaka ba championship yeo a sena go thiba dipenaliti tse pedi mo tlhagong ya sekamakgaolakgang o o neng o tshamekiwa kgatlhanong le Korea o o neng wa fela ka maleka.[20][21][12] Kwa bofelong ja kgaisano, o ne a fiwa golden glove, seetsele se se neng se mmaya e le motshwaradino yo o gaisitseng mo kgaisanong yotlhe.

Ka Firikgong wa 2020 o ne a biletswa kwa setlhopheng sa U19 go ya go tshameka metshameko ya go ipaakanyetsa Under-19 European Championship kwa Ireland.[22] Ka ntata ya COVID-19, FIFA e ne ya bega fa kgaisano eo e sutlhilwe.

Ka Phatlwe wa 2018 e ne e le ene motshwaradino yo o simololang wa setlhopha se se neng se tsaya karolo kwa sejaneng sa lefatshe sa U20 kwa France.[23] Coll o ne gape a tsaya ditshwetso sente ka nako ya kgaisano morago ga go thiba penaliti kwa sekamakgaolakgang kgatlhanong le France.[24] Ba ne ba bona maemo a bobedi mo kgaisanong eo morago ga go latlhegelwa ka dino tse tharo go e le nngwe kgatlhanong le Japane.

O ne a bitswa ele leloko la setlhopha sa setshaba sa Spain sa sejana sa lefatshe sa bomme sa FIFA sa 2023. Morago ga metshameko e le mmalwa a le mo bankeng, o ne a dira iponagatso ya gagwe ya ntlha mo setlhopheng sa setshaba kwa kgaisanong eo mo motshamekong wa ba ba lesome le borataro kgatlhanong le Switzerland o Spain e neng ya o fenya ka dino tse tlhano go e le nngwe. O ne a simolola a le kwa dikoteng mo motshamekong wa makgaolakgang kgatlhanong le Enyelane, a fetsa a sa nosiwa mo phenyong ya nno e le nngwe go lefela go fenya bommampodi.[25]

Dipalopalo tsa tiro

fetola

Setlhopha

fetola
E sale ka motshameko o o tshamekilweng ka Ngwanatsele a le lesome le boferabongwe 2023
Iponagatso le dino go ya ka setlhopha, setlha le kgaisano
Setlhopha Setlha Liki Kopi Tse dingwe Yuropa Palogotlhe
Lekalana Iponagatso Dino Iponagatso Dino Iponagatso Dino Iponagatso Dino Iponagatso Dino
Barcelona Primera División / Liga F 2019–20 0 0 1 0 — — 1 0
2020–21 7 0 3 0 0 0 1 0 11 0
2021–22 8 0 0 0 0 0 1 0 9 0
2022–23 3 0 0 0 0 0 0 0 3 0
2023–24 5 0 0 0 0 0 1 0 6 0
Palogotlhe 23 0 4 0 0 0 3 0 30 0
Sevilla (kadimo) Primera División 2019–20 16 0 2 0 0 0 0 0 18 0
Palogotlhe ya tiro 39 0 6 0 0 0 3 0 48 0

Tsa boditshabatsahaba

fetola
E sale ka motshameko o o tshamekilweng ka Sedimonthole wa 2023 a rogwa
Iponagatso le dino go ya ka setlhopha sa setshaba le ngwaga
Setlhopha sa setshaba Ngwaga Iponagatso Dino
Spain
2023 8 0
Palogotlhe 8 0

Ditlotla

fetola

FC Barcelona

  • UEFA Women's Champions League: 2020–21, 2022–23,[26] 2023–24[27]
  • Liga F: 2020–21, 2021–22, 2022–23, 2023–24
  • Copa de la Reina: 2020–21, 2021–22, 2023–24
  • Supercopa de España: 2021–22, 2022–23, 2023–24

Spain

  • FIFA Women's World Cup: 2023
  • UEFA Women's Nations League: 2023–24[28]

Spain U20

  • FIFA U-20 Women's World Cup maemo a bobedi: 2018

Spain U17

  • FIFA U-17 Women's World Cup: 2018

Tsa gagwe

  • FIFA U-17 Women's World Cup Golden Glove: 2018

Metswedi

fetola
  1. ↑ 1.0 1.1 Cite error: Invalid <ref> tag; no text was provided for refs named FIFA2023
  2. ↑ Tempolete:Soccerway
  3. ↑ "Cata Coll". BDFutbol. Retrieved 31 October 2021.
  4. ↑ "Cata Coll". FC Barcelona. Retrieved 31 October 2021.
  5. ↑ "FIFA Women's World Cup Australia & New Zealand 2023 Squad Lists" (PDF). FIFA. 20 August 2023. p. 27.
  6. ↑ Hidalgo, Daniel (14 September 2023). "La mallorquina Cata Coll, nominada al premio The Best a la mejor portera de la FIFA". Diario de Mallorca (in Spanish). Retrieved 28 May 2024.
  7. ↑ "Cata Coll". Txapeldunak. Retrieved 31 October 2021.
  8. ↑ "El Collerense logra el ascenso a Primera B". Ultima Hora (in Spanish). 14 April 2019. Retrieved 1 June 2023.
  9. ↑ "Cata Coll: "El Barça es un club con futuro y yo vengo para el futuro"". Mundo Deportivo (in Spanish). 9 July 2019. Retrieved 1 June 2023.
  10. ↑ "Cata Coll". FC Barcelona. Retrieved 9 July 2019
  11. ↑ Ràdio, Catalunya (2 August 2020). "Tot gira - Cata Coll: "Vinc per aprendre de la Sandra Paños"". CCMA (in Catalan). Retrieved 1 June 2023.
  12. ↑ 12.0 12.1 "Cata Coll, la parapenaltis del Barça femenino". Mundo Deportivo (in Spanish). 13 November 2020. Retrieved 1 June 2023.
  13. ↑ "Cata Coll: "En el Barça, juegue quien juegue, lo hace bien"". La Vanguardia (in Spanish). 16 December 2020. Retrieved 1 June 2023.
  14. ↑ "Cata Coll debutó en Champions y lo celebró con un triunfo". es.besoccer.com (in Spanish). Retrieved 1 June 2023.
  15. ↑ VAVEL.com (8 June 2022). "Cata Coll, con una lesión en el menisco". VAVEL (in Spanish). Retrieved 1 June 2023.
  16. ↑ RD (20 December 2020). "La mallorquina Cata Coll sufre una lesión en el menisco de la rodilla derecha". Diario de Mallorca (in Spanish). Retrieved 1 June 2023.
  17. ↑ "Cata renueva hasta 2026". F.C. Barcelona (in Spanish). 21 February 2023. Retrieved 4 March 2023.
  18. ↑ "Cata Coll subcampeona de Europa - Femenino, Selecciones". FutbolBalear.es (in Spanish). 17 May 2016. Retrieved 1 June 2023.
  19. ↑ "Cata Coll, campeona de Europa sub-17 - Federación, Femenino, Selecciones". FutbolBalear.es (in Spanish). 23 May 2018. Retrieved 1 June 2023.
  20. ↑ "Cata Coll, la atrapasueños de 'La Rojita'". Marca.com (in Spanish). 26 November 2018. Retrieved 1 June 2023.
  21. ↑ "Cata Coll: "Somos la generación de oro y volveremos a hacer historia"". La Vanguardia (in Spanish). 3 December 2018. Retrieved 1 June 2023.
  22. ↑ "Cata Coll, convocada con la Sub-19". Estadio Deportivo (in Spanish). 15 January 2020. Retrieved 1 June 2023.
  23. ↑ Tronchoni, Nadia (24 August 2018). "Cata Coll, puro instinto". El País (in Spanish). ISSN 1134-6582. Retrieved 1 June 2023.
  24. ↑ "Catalina Coll, una heroína bajo palos con tan sólo 17 años". Diario AS (in Spanish). 24 August 2018. Retrieved 1 June 2023.
  25. ↑ "Spain 1-0 England - FIFA Women's World Cup 2023 Live". Who Scored. 20 August 2023. Retrieved 20 August 2023.
  26. ↑ Wrack, Suzanne (3 June 2023). "Rolfö caps Barcelona comeback against Wolfsburg to win thrilling WCL final". The Guardian. ISSN 0029-7712. Retrieved 7 June 2023.
  27. ↑ "Barcelona retains Women's Champions League title, completing historic quadruple". CNN. 25 May 2024. Retrieved 25 May 2024.
  28. ↑ "Women's Nations League final: World Cup winners Spain beat France 2–0 in Seville". BBC Sport. 28 February 2024. Retrieved 28 February 2024.
Retrieved from "https://tn.wikipedia.org/w/index.php?title=Cata_Coll&oldid=37143"