Dipalangwa tsa bogologolo

Bogologolo tala, bagolo ba ne ba dirisa mekgwa ya setso ya go tsamaya e e sa tshwaneng le ya segompieno. Nngwe ya mekgwa eo e ne e akaretsa go tsamaya thata ka maoto. Ba ne ba tsamaya ka maoto go ya kwa metseng ya kgaufi le kgakala , le go etela ditsala le balelapa. Go tsamaya ka maoto go ne go ba thusa gore mebele ya bona e nne e nonofile le gore ba tlhole ba itekanetse.

Dikarikana

Karikana

Mokgwa o mongwe o batho ba neng ba o dirisa e ne e le wa go tsamaya ka dikarikana. Ba ne ba dirisa dikarikana go rwala merwalo le go tsamaisa didiriswa tse di boima le go ba isa kwa kgakala, kwa e leng gore ba ka tsamaya ka maoto ba ka tsaya beke yotlhe mme ka karikana ba ka tsaya matsatsi a le mabedi fela. Ba ne ba palama dikarikana tse gantsi ba tsamaya le ba malapa a bone, go ya kwa mafelong a kgakala. Mokgwa wa go tsamaya ka dikarikana o ne o itumedisa thata ka gonne bagolo ne ba kgona go ikhutsa fa ba ntse ba le mo leetong.

Baesekele

Baesekele le yona e ne e dirisiwa e bile e ne e le sepalangwa se se rategang thata mo bathong ba segologolo. Ba ne ba tsamaya go ya kwa diteropong tse di gaofi, kwa metsaneng, masimong, le kwa dipolaseng tsa bona. Go ne go le bonolo go palama baesekele le go e tsamaisa. Mekgwa e ya bogologolo ya go tsamaya e ka tswa e le bonya, mme e ne e boloka matshelo a batho ka gonne go ne go sena dikotsi tsa dijanaga, batho ba ne ba sa tlhokofale ka ntlha ya dipalangwa.