Elizabeth Griffin

Elizabeth Constance Griffin o belegwe kgwedi ya Motsheganong ele tlhano, ngwaga wa 1945, mme a tlhokafala ka Seetebosigo ale lesome ka ngwaga wa - 2015. E ne e le mosadi wa ntlha go nna mmueledi mo British Crown Colony ya Montserrat.

Elizabeth Griffin

Tshimologo

Griffin o tsholetswe ko setlhakatlhakeng sa Antigua. Batsadi ba gagwe ele Charles Griffin, M.D. le mmaboipelego Patricia Griffin. Fa ale ngwaga tse borobabobedi oile a fudugela ko Lontone, Enyelane le ba lelwapa la gagwe.

Thuto le tiro

O dirile digarata tsa gagwe mo go tsa Molao, kwa Yunibesithing ya Oxford. Mo nakong ya teng, oile gape a dira sentle mo seetseleng sa Duke of Edinburgh's Award.

Morago ga go aloga, o ne a boela kwa Montserrat go ya go berekela Moatlhodi-Kakaretso wa Montserrat jaaka mothusi wa semolao jaaka karolo ya baithuti ba gagwe pele ga a nna mmueledi. Ka 1969, o ne a bilediwa kwa kgotlatshekelo jaaka mosadi wa ntlha wa Montserrat.a pele ga kgotlatshekelo e e neng e lebelelwa thata ke bomme, Griffin o ne a bolela gore , "o itlama le go ikemisetsa go tlhoma ditekanyetso tse di kwa godimo tsa bomme ba ba tla mo salang morago kana ba mo tlhatlhama".

Morago Griffin o ne a ruta kwa West Kent College kwa Tonbridge, Enyelane. Ka 1993, fa a boela kwa Lontone, o ne a simolola go ruta kwa Inns of Court School of Law.

Botshelo jwa gagwe

Ka 1970, Griffin o ne a nyalwa ke Andrew George Prideaux (yo o tshotsweng ka 1945). Bana ba gagwe ke Michael (yo o tshotsweng ka 1971) le moswi Louisa (yo o tsetsweng ka 1974). O na le ditlogolwana di le tharo, Flora (o tshotswe ka 2004), Ned (o tshotsweng ka 2006) le William Prideaux (o tshwerwe ka 2009). O fudugetse kwa Lewes, East Sussex, Enyelane, yare morago a fudugela ko Stockbridge Hampshire, kwa aileng a tlhokafalela teng ka ngwaga wa 2015