Emily Fox

Emily Ann Fox (yo o tshotsweng ka Phukwi a le malatsi a le matlhano , 1998) ke motshameki wa kgwele ya dinao ya profeshionale yo o tshamekang e le motshameka morago wa ka fa mojeng kwa setlhopheng sa Women's Super League sa Arsenal le setlhopha sa bosetshaba sa United States. O tshamekile kgwele ya sekolo sa ithutelo ditiro kwa setlhopheng sa Carolina Tar Heels.

Emily Fox

Fox with the North Carolina Courage in 2023
Motshameki wa kgwele ya dinao
Leina ka botlalo	Emily Ann Fox
Letsatsi la tsalo	(1998-07-05) July 5, 1998
Lefelo la tsalo	Ashburn, Virginia, United States
Bolele	5 ft 5 in (1.65 m)
Maemo	Right-back
Club information
Current team	Arsenal
Number	2
Youth career
–	Loudoun Soccer
–	Ashburn Crush
–	Ashburn/Herndon Freedom
–	FC Virginia
2014	Stone Bridge Bulldogs
College career
Dingwaga	Setlhopha	Dinno	(Dinno)
2017–2020	North Carolina Tar Heels	69	(2)
Tiro ya gagwe*
Dingwaga	Setlhopha	Metsh	(Dinno)
–	Racing Louisville
–	North Carolina Courage
–	Arsenal
Setlhopha sa setshaba
–	United States U20
–	United States
Honours Women's soccer Representing United States CONCACAF W Championship Winner 2022 Mexico CONCACAF W Gold Cup Winner 2024 United States
*Metshameko ya gagwe le dinno

Tiro ya sekolo sa ithutelo ditiro

Ka 2017, Fox o simolotse metshameko ya ntlha ele lesome le boraro mo setlheng sa gagwe ele moithuti wa ngwaga wa ntlha le Tar Heels pele ga a bona kgobalo ya go kgaoga ACL mme a tlolwa ke masalela a setlha seo. O ne a bidiwa mo setlhopheng sa boraro sa All-ACC le sa All-Freshman ka 2017.

Ka 2018, Fox a boela mo lenaaneng la ba ba simololang, ebile ka ntlha nngwe o ne a simolola metshameko e le lesome le boferabobedi ka go tlhomagana. Ka lebaka la go biletswa kwa setlhopheng sa bosetshaba sa Amerika ka Ngwanatsele wa 2018, Fox a tlolwa ke sekamakgaolakgang sa kgaisano ya ACC le makgaolakgang a legato la ntlha la kgaisano ya NCAA. North Carolina e ne ya goroga kwa makgaolakannyeng a kopi ya College ya 2018, kwa ba neng ba latlhegelwa ka nno e le nngwe go lefela kgatlhanong le Florida State. Fox o ne a bitswa kwa setlhopheng sa ntlha sa All-ACC sa ngwaga wa 2018.

Tiro ya setlhopha

Racing Louisville (2021–2022)

Fox o ne a bidiwa ke Racing Louisville FC a tlhophiwa e le wa ntlha gotlhegotlhe wa 2021 NWSL Draft. Fox o tshamekile metsotso e entsi go gaisa ope wa mosha wa NSWL a iponatsa makgetlho a le masome a mabedi le boraro mo setlhopheng sa Racing. O eteletse liki mo dikgoreletsong, ka tse lekgolo le lesome le botlhano, ebile o ne a fitlhelela makgaolakgang a tlotla ya mosha wa ngwaga wa NSWL. Pele ga setlha sa 2022, Fox o ne a bidiwa e le mongwe wa bakopetene ba le bane ba Racing.

North Carolina Courage (2023)

Fox a tshamekela Courage kwa 2023 NWSL Challenge Cup final

Ka Firikgong wa 2023, Fox o ne a rekisediwa North Carolina Courage mo boemong jwa ga Abby Erceg le Carson Pickett. O ne a bidiwa kwa setlhopheng sa bobedi sa NSWL Best XI.

Arsenal (2024–go fitlha gompieno)

Firikgong a le lesome le bongwe, 2024, Fox o ne a saenela Arsenal. Malatso a le mararo a a latelang, a tshameka motshameko wa gagwe wa ntlha wa setlhopha seo mo phenyong ya kopi ya FA ya Arsenal kgatlhanong le Watford (5–1). Ka Firikgong a le masome a mabedi le boferabobedi, 2024, mo iponagatsong ya gagwe ya bobedi ya liki, a dira thuso ya ntlha ya Arsenal, a tlhoma nno ya ga Vivianne Miedema abo a thusa le go tlhoma nno ya bobedi mo phenyong ya dinno tse pedi go lefela kgatlhanong le Liverpool. O ne a bidiwa e le motshameki yo o gaisitseng mo motshamekong o o.

Tiro ya boditshabatshaba

Setlhopha sa bosetshaba sa banana

Ka ngwaga wa 2015, Fox o ne a tlhophiwa go tshameka kwa kgaisanong ya 2015 ya CONCACAF Women's U-20 Championship. O ne a nosa nno mo motshamekong wa ntlha wa kgaisano, fa ba tshameka maleka a bobedi-bobedi le Mexico. Fox o ne a tlhagelela mo motshamekong mongwe le mongwe wa kgaisano, fa Amerika e ne e gapa sejana sa bone sa botlhano sa CONCACAF Women's U-20 Championship. Fox o ne a bidiwa mo setlhopheng sa 2016 FIFA U-20 Women's World Cup, o ne a tlhagelela mo metshamekong yotlhe e le merataro ya merika fa ba ne ba fetsa mo maemong a bone mo kgaisanong.

Fox ga a ka a tsaya karolo mo kgaisanong ya 2018 CONCACAF Women's U-20 Championship ka a ne a santse a fola go tswa mo kgobalong ya gagwe ya ACL. O ne a fola ka nako gore a bidiwe mo lenaneong la 2018 FIFA U-20 Women's World Cup, mongwe wa batshameki ba le bararo go boela kwa U-20 World Cup ya bobedi. Fox o ne a tlhagelela mo motshamekong o le mongwe fa Amerika e ne e retelelwa ke go fetela legatong la mantshano.

Setlhopha sa bosetshaba

Fox o ne a amogela pitso ya gagwe ya ntlha go ya kwa setlhopheng se segolo sa bosetshaba ka Ngwanatsele wa 2018 go ya go tshameka metshameko ya botsalano kwa Yuropa. O ne a bona tshameko ya gagwe ya ntlha ka Ngwanatsele a robabobedi ka 2018, fa a ne a simolola motshameko a le ko morago mo mojeng kgatlhanong le Portugal. Fox o ne gape a le mo setlhopheng se se simololang malatsi a le matlhano moragonyana kgatlhanong le Scotland.

Kwa tshimologong, Fox o ne a tlhophilwe go nna motshameki wa go ikatisa wa USWNT pele ga SheBelieves Cup ya 2019, mme morago ga gore Danielle Colaprico a tswe mo setlhopheng ka ntlha ya kgobalo, Fox o ne a tsenngwa mo lenaaneng la batshameki.

Ka Seetebosigo a le masome mabedi le motso ka 2023, Fox o ne a tlhophiwa go nna mo setlhopheng sa USWNT sa Sejana sa Lefatshe sa Basadi sa FIFA sa 2023 kwa Australia le New Zealand.

Fox o ne a tlhophiwa mo setlhopheng sa batshameki ba le lesome le metso e ferabobedi ba ba neng ba tlile go tshameka kwa metshamekong ya Diolimpiki ya selemo ya 2024 kwa Fora.