Setlhopa sa Kwele ya dinao Kaizer Chiefs[1](gantsi se itsiwe jaaka Chiefs[2]) ke setlhopha sa kgwele ya dinao sa Afrikaborwa[3]se se kwa Naturena, Borwa jwa Johannesburg, se se tshamekang mo Premiership ya Betway. Setlhopha se retwa go twe AmaKhosi, go raya "Dikgosi" kgotsa "Dikgosana" ka Sezulu, le Phefeni Glamour Boys. Chiefs e gapile ditlotla tsa kgaisano (di le nnè mo motlheng wa PSL) le dijana tsa dikgele di feta 42.[4] Sejana sa boshweng sa setlhopha e ne e le sejana sa Shell Helix Ultra se e se gapileng ka October 12, 2019.[5] Ka ntlha ya seo, ba na le dijana tse dintsi mo ditlhopheng tsotlhe tsa Aforikaborwa e bile ke setlhopha se se atlegileng thata mo hisitoring ya kgwele ya dinao ya Aforikaborwa fa e sale go simololwa kwa makalekaleng ka 1970. Ke setlhopha se se tshegediwang thata mo nageng, se tlisa gae palogare ya 6,144 ya baledi ba mo gae mo setlheng sa 2019-20, se se kwa godimo thata mo kgaisanong. Seno se dirilegore ba bitswe "Setlhopha se Segolo" kwa Borwa jwa Aforika. Setlhopha se tshameka metshameko ya kwa gae kwa Setadiamo sa FNB [6]se se kgonang go tshola batho ba le 94,797.[7]
