Katlego Kai Kolanyane-Kesupile

Katlego Kai Kolanyane-Kesupile ke seopedi, mokwadi le molwela ditshwanelo tsa batho ba ba ratanang ka bong bo le bongwe go tswa kwa Botswana. O tshotswe ka ngwaga wa 1988 ka Ferikgong, o itsege gape ka leina la Kat Kai Kol-Kes. O itsege ka go bo e ne e le ene motho wa ntlha o o itsegeng mo lefatsheng la Botswana go itshupa fa a fetotse bong. Ke ene gape Motswana wa ntlha go nna leloko la TED fellow.

Kat Kai Koi-Kes

Botshelo jwa gagwe

Kolanyane-Kesupile o tshotswe ka Firikgong ngwaga wa 1988 kwa toropong ya Francistown. Ke motho wa ntlha mo Botswana go bua phatlalatsa ka go iphetola bong, se o se dirile ka ngwaga wa 2013.Kolanyane-Kesupile o tsene sekolo se se botlana sa Clifton Primary. A ya go tsena sekolo se go nniwang kwa go sone kwa Durban fa a le dingwaga di le lesome le borobabobedi. Kolanyane-Kesupile o amogetse setlankana sa degree in theater go tswa kwa sekolong sa ithutelo ditiro sa Witwatersrand, mme a dira gape le master's degree mo Human Rights,Culture and Social Justice kwa Goldsmiths, University of London.A nna moithuti wa Chevening ka ngwaga wa 2016.

Kolanyane-Kesupile ke mosimolodisi wa moletlo wa Queer Shorts Showcase, o e leng one moletlo wa ntlha ebile ele one fela wa batho ba ba ratanang ka bong bo le bongwe mo Botswana. O nnile mokwadi wa dipampiri tsa dikgang di akaretsa Peolwane Magazine, The Kalahari Review, The Washington Blade le AfroPUNK.com.Kolanyane-Kesupile ke leloko la setlhopha sa mmino sa Chasing Jakyb. O kwalela setlhopha se dipina ka puo ya Sekgowa le ya Setswana. Setlhopha se se ntshitse alebamo ya Bongo Country ka ngwaga wa 2015.

Kolanyane-Kesupile o ne a atswiwa ka seetsele sa tlotla mo setlhopheng sa badiragatsi ka ngwaga wa 2013/2014. O ne a nna motho wa bobedi o o gaisitseng mo dietseleng tsa Queen's Young Leaders ka ngwaga wa 2015. A neelwa tlotla ya go nna TED Global Fellow ka ngwaga wa 2017, e le ene Motswana wa ntlha go fiwa tlotla e. Ka ngwaga wa 2018, o ne a tlhagelela mo setlhopheng sa bomme ba le lekgolo sa OkayAfrica.