Keira Walsh

Keira Fae Walsh (yo o tshotsweng ka Moranang wa 1997 a ferabongwe) ke motshameki wa kgwele ya dinao e e porofeshionale wa moesemane yo o tshamekang fagare ko setlhopheng sa Liga F sa Barcelona le setlhopha sa setshaba sa Enyelane sa bomme. O tsewa jaaka motshamekisi le motshamekagare wa tshireletso. O tshwameketse Blackburn Rovers le Manchester City, le Great Britain kwa diOlimpiking. Kwa Manchester City o nnile kwa godimo ga Women's Super League ka 2016; a fenya FA cup ga raro; mme a fenya League Cup gane, a fenya kopi tse pedi tsa mo gae. Kwa barcelona o fentse liki, Supercopa, le Champions League gabedi, le Copa de la Reina gangwe; go akaretsa le go fenya kopi tse nne mo kontinenteng. E ne ele leloko la setlhopha sa Enyelane se se neng sa fenya Euro 2022 mme a bidiwa motshameki wa motshameko kwa makgaolakgannyeng.

Keira Walsh

Walsh with Barcelona in 2024
Motshameki wa kgwele ya dinao
Leina ka botlalo	Keira Fae Walsh
Letsatsi la tsalo	(1997-04-08) 8 April 1997
Lefelo la tsalo	Rochdale, England
Bolele	5 ft 6 in (1.67 m)
Maemo	Midfielder
Club information
Current team	Barcelona
Number	21
Youth career
2008–2014	Blackburn Rovers
Tiro ya gagwe*
Dingwaga	Setlhopha	Metsh	(Dinno)
2014	Blackburn Rovers	9	(3)
2014–2022	Manchester City	118	(6)
2022–	Barcelona	48	(2)
Setlhopha sa setshaba‡
2009–2011	England U15	4	(0)
2012–2013	England U17	9	(2)
2014–2016	England U19	9	(0)
2016	England U20	0	(0)
2017	England U23	4	(0)
2017–	England	74	(0)
2021	Great Britain	3	(0)
Honours Women's football Representing ENG UEFA Women's Championship Winner 2022 England UEFA–CONMEBOL Finalissima Winner 2023 England FIFA Women's World Cup Runner-up 2023 Australia and New Zealand
*Metshameko ya gagwe le dinno, correct as of 05:10, 19 May 2024 (UTC) ‡ National team caps and goals, correct as of 23:05, 31 May 2024 (UTC)

Walsh e ne ya nna motshameki wa gale wa setlhopha sa ntlha sa City e le mosha ka letsholo la 2014 a tshameka seabe sa botlhokwa mo go thuseng setlhopha go iponna League Cup ya bone ya ntlha. O ntse le setlhopha seo ditlha tse di ferangbongwe (mo dingwageng tse ferangbobedi), a kapotena ka nakwana gantsinyana, ka Mopitlo wa 2022 a nna motshameki wa bobedi go goroga kwa iponagatsong tse makgolo a mabedi wa bone; fa a tsamaya a ya Barcelona moragonyana mo ngwageng oo, o ne a pataganetse rekote ya City ya iponagatso a bo a baya rekote ya motshameki wa tlhwatlhwa ya lefatshe ya motshameki wa kgwele ya dinao ya bomme. O emetse Enyelane mo ditlhopheng tsa dingwaga go tswa a le dingwaga tse lesome le bobedi, a thusa setlhopha sa under-17 go tsaa maemo a bobedi kwa U17 Euro ya 2014 ebile a bitswa kwa setlhopheng sa kgaisano. O ne a dira tshameko ya gagwe ya ntlha ya setlhopha se segolo kwa metshamekong ya go ipatlela phatlha kwa sejaneng sa lefatshe sa bomme sa FIFA sa 2019 mme a simolola e le mokapotene mo motshamekong ngwaga moragonyana. Le Enyelane o tshamekile dikgaisano tse dikgolo di le tharo: sejana sa lefatshe sa 2019 ko ba feletseng mo maemong a bone, Euro ya 2022 e ba e fentseng, le sejana sa lefatshe sa 2023 e ba feditse mo maemong a bobedi. Le Great Britain o gaisane kwa Olympics tsa selemo sa 2020. O ne a bitswa kwa setlhopheng sa kgaisano kwa Euro ya 2022 ebile o tsewa e le mongwe wa batshamekagare ba ba gaisang mo lefatsheng.

Dingwaga tsa pele

Keira Walsh le manchester city

Keira Fae Walsh o tshotswe ka Moranang a le boferabobedi ka ngwaga wa 1997 kwa Rochdale e le ngwana wa ga Peter le Tracy Walsh mme a godisediwa go bapa le Pennines kwa Syke, toropo e e kwa tlhoko ya selegae. Koo o ne a ikatisetsa kgwele ya dinao le rraagwe mo lefelong go kgabaganya ntlo ya bone go tswa a le dingwaga tse tlhano. O tshamekile mo ditlhopheng tsa basimane tsa mo gae tsa Pearson Juniors under-7, go tswa foo a ya Samba Stars –tsotlhe di ne di katisiwa ke rraagwe tsala ya gagwe ya kwa sekolong se se botlana, yo o neng a nna a mo tsaya – go fitlhelela a nna dingwaga tse lesome le motso.

Walsh o tsene kwa Haslingden High School le Bacup and Rawtenstall Grammar School Sixth Form, tsotlhe di le kwa Rossendale; Haslingden High School e ne e na le setlhopha sa basetsana sa kgwele ya dinao mo dingwageng tsa ntlha tse Walsh a di tshameketseng. O ne a ya Manchester City, se tlhopha se ene le ba lelwapa la gagwe ba se rotloetsang, ka Phukwi wa 2014, fa a le dingwaga tse lesome le bosupa; City e ne ya mo romela kwa St Bede's college kwa Manchester go feleletsa A-levels tsa gagwe a ntse a ikatisa le go ba tshamekela. Motshameki ka ene wa bokamoso Georgia Stanway le ene o ne a taa tsena kwa St Bede's.

Morotloetsi wa Manchester City wa popotla, Walsh o ne a tlhotlheletswa ke kgwele ya dinao ya Spain fa a sale monnye, ka ntlha e nngwe go dira ke go nna le masika kwa Spain le go tshameka kwa lefatsheng leo ga a ba etetse, le gape ka gore rraagwe o ne a mo rotloetsa go lebelela Barcelona e tshameka. Gape o rotloeditse Arsenal ka sebakanyana ka go bane e ne e le morotloetsi wa ga Cesc Fàbregas go fitlhelela a bona David Silva, motshameki yo a mo ratang thata kwa City.

Walsh a ipaakanya pele ga Champions League ka Mopitlo 2024

Walsh (molema) le Tobin Heath kwa England v United States ka 2019

Walsh le England kwa 2019 World Cup

Ka 2008, a le dingwaga tse lesome le motso, Walsh a bidiwa motshameki yo monnye wa ngwaga wa Greater Manchester. Tlotla e e ne e remeletse mo dikatlegong tsa gagwe kwa badminton: o ne a le mo maemong a ntlha mo lefatsheng mo badminton ya ba under-13 fa gare ga 2007 le 2009, a ne a simolotse motshameko o o a le dingwaga di ferabongwe abo a emela Rochdale mo go sone. O ne a e tlhalosa e le motshameko wa gagwe wa bobedi mme e sale ka 2022 o ne a tshameka badminton fa setlha sa kgwele ya dinao se ikhuditse e le tsela ya go nna a itekanetse O tsere karolo mo metshamekong ya banana ka bontsinyana: ka 2008 o ne a tshameka cricket le Lancashire, a emela Rochdale mo go thumeng le bolotloa, mme gape a tshameka kgwele ya dinao le Blackburn Rovers Girls' Centre of Excellence. Batshameki ba Blackburn Rovers ba le lesome le motso ba ne ba akarediwa mo setlhopheng sa kgwele ya dinao sa basetsana sa Lancashire Schoolgirls ka 2013, Walsh a le mo teng. O ba tshameketse ka 2012 le 2013 mo Northern Counties Championship le English Schools' Football Association (ESFA) County Club. Mo dingwageng ka bobedi ba ne ba fenya Northern Championship mme ba tsaya maemo a bobedi mo ESFA Cup.