Wikipedia

Kelly Clarkson

Kelly Brianne o tshotswe ka ngwaga wa 1982, kgwedi ya Moranang e le malatsi a le masome a mabedi le bone, o itsege ka leina la Kelly Clarkson, ke moopedi, mokwadi wa dipina ebile e le mogasi wa telebishini wa kwa America. O simolotse go tuma morago ga go fenya paka ya ntlha ya thulaganyo ya American Idol ka ngwaga wa 2002, go fenya mo go ne ga dira gore a iponele tumalano ya tirisano le ba RCA Records. Pina ya gagew ya ntlha e e leng "A Moment Like This", e ne ya nna kwa godimo ga dipina di le lekgolo tse di neng di tumile ka nako e o kwa America mo Billboard Hot 100, ya bo ya nna pina ya lefatshe leo e e neng e rekisitse thata ka ngwaga wa 2002. E ne ya tsenngwa mo alebamong ya gagwe ya ntlha e e neng e bidiwa Thankful e e ntshitsweng ka ngwaga wa 2003,mme ya nna kwa godimo ga dipina tsa Billboard 200. Clarkson o ne a kgaogana le bagogi ba gagwe ba kwa Idol e le tsela ya go intshafatsa, mme a fetola mofuta wa dipina tsa gagwe go nna pop rock mo alebamong ya gagwe ya bobedi e e bidiwang Breakaway e e gatisitsweng ka ngwaga wa 2004. Alebamo e, e patilwe ke dipina tse di ikemetseng; ya setlhogo sa alebamo le tse dingwe di le tharo, "Since U Been Gone", "Behind These Hazel Eyes" le "Because of You" e rekisitse dikaelo di le di millone di le lesome le bobedi lefatshe ka bophara mme ya fenya seetsele sa Grammy Awards.

Kelly Clarkson
Picture of Kelly Clarkson arriving at the 57th Presidential Inauguration
Clarkson ka ngwaga wa 2018
Tsalo
Kelly Brianne Clarkson

(1982-04-24) April 24, 1982 (age 42)
Fort Worth, Texas, U.S.
Maina amangweKelly Brianne
Tiro
  • moopedi
  • mokwadi wa dipina
  • mokwadi wa dibuka
  • moanamisi wa telebishini
Dingwaga tsa a le mo tirong2000 go tsena gompieno
Mosadi
Brandon Blackstock
​
​
(m. 2013; div. 2021)​
Bana2
O fetheletseFull list
Tiro ya boopedi
Mefota
DidirisiwaVocals
Labels
Websitekellyclarkson.com
Monwana

Clarkson o ne a tsaya taolo ya alebamo ya gagwe ya boraro "My December" e e gatisitsweng ka ngwaga wa 2007,a nna mokwadi wa dipina tsa yone tsotlhe ebile e nna tlhogo ya batlhami ba dipina tsa yone. Le fa go ntse jalo, kompone e e mo okametseng e ne ya seka ya kgotsofalela dipina tsa mofuta wa rock tse di mo alebamung eo ka jalo ba goga dinao fa ba tshwanetse go e bapatsa.[2] Dialebamo tsa gagwe ya bone le ya botlhano "All I Ever Wanted" ya 2009 le Stronger ya 2011, di ne tsa boela kwa mofuteng wa mmino o o iketlileng le wa pop rock, All I Ever Wanted e ne ya nna alebamo ya gagwe ya bobedi go nna kwa godimo, fa Stronger yone e ne ya mo dira modiragatsi wa ntlha go fenya seetsele sa Grammy Award sa moopedi wa pop o o gaisitseng gabedi. Di alebamo tse ka bobedi di ne di na le pina e e kwa godimo mo Hot 100:" My Life Would Suck Without You" e e leng yone ya ntlha go tlolela kwa godimo ka sekgele se setona mo ditsong tsa mmino, mme Stronger (What Doesnt Kill You) yone ya nna pina ya gagwe e e rekisisweng thata lefatshe ka bophara. Clarkson o ne a nna le alebamo ya matsalo a ga Jeso e e rekisitseng go gaisa mo ngwageng oo e e bidiwang Wrapped In Red ya ngwaga wa 2013. Pina ya yone ya konokono "Underneath the Tree", e ne ya bidiwa pina e e itsegeng thata e e ntshitsweng mo dingwageng di le makgolokgolo ke ASCAP.[3] Alebamo ya gagwe ya bosupa Piece By Piece ya 2015, e ne ya nna kwa maemong a ntlha kwa United States, fa pina ya yone ya konokono e ne ya nna mo go tse di lesome tse di ka godimo. Morago ga go tlogela RCA mme a baya monwana tumalano le ba Atlantic ka ngwaga wa 2016, Clarkson o ne a ntsha alebamo ya borobabobedi e e neng e rotloeditse ke mmino wa soul, Meaning of Life ka ngwaga wa 2017, le alebamo ya gagwe ya bobedi ya khirisimose When Christmas Comes Around, le ya bo lesome Chemistry ka ngwaga wa 2023.

Clarkson o berekile gape e le mokatisi mo thulaganyong ya The Voice go tswa ka paka ya bo lesome le bone go tsena ka ya bo masome a mabedi le bongwe, a boa gape ka ya bo masome a mabedi le boraro. Fa e sale ka ngwaga wa 2019, o gasa thulaganyo ya gawe ya dipuisano, The Kelly Clarkson Show.[4] Mo dikgeleng tse dintsi tse a di amogetseng, o amogetse tse tharo tsa MTV Video Music Awards, the tharo tsa Grammy Awards, tse nne tsa American Music Awards, tse pedi tsa Academy of Country Music Awards, tse tlhano tsa Daytime Emmy Awards, le naledi ya Hollywood Walk of Fame. Clarkson o rekisitse di alebamo di ka nna di milione di le masome a mabedi le botlhano, le dipina tse di ikemetseng di ka nna masome a mane le botlhano a di milione lefatshe ka bophara. O na le dipina di le lesome le bone tse di kileng tsa nna mo lesomeng le le kwa godimo kwa United States, mme di le boferabongwe kwa United Kingdom, Canada le Australia. O nnile moopedi wa ntlha mo ditsong go nna kwa godimo ga mefuta ya pop, adult contemporary, adult pop, country le dance ya Billboard. Billboard e supile fa Clarkson e le mongwe wa baopedi bagolo ba pop,[5] mme ba mo fa tlotla ya seetsele sa Powerhouse Award, fa VH1 yone e mmeile mo maemong a bo lesome le boferabongwe mo go bomme ba le lekgolo ba bagolo mo kopelong.

Botshelo jwa gagwe

fetola
 
Kelly Clarkson Lincoln Memorial in Washington, D.C., ka Lwetse 11, 2002, morago ga go fenya idol

Ka ngwaga wa 2012, Clarkson o ne a simolola go ratana le mookamedi wa ditalente Brandon Blackstock, ngwaga wa mookamedi wa gagwe wa pele Narvel Blackstock, e bile e kile ya nna ngwana o Reba McEntire a mo fitlhetseng mo lenyalong.[6][7] O ne a nyalana le Blackstock ka ngwaga wa 2013, kgwedi ya Phalane e le malatsi a le masome a mabedi kwa tshimong ya Blackberry kwa Walland Tennessee.[8] Mo lenyalong la bone, Brandon o ne a mo okametse.[9] Ba na le ngwana wa mosetsana mmogo, River Rose o o tshotsweng ka Seetebosigo 2015,[10] le wa mosimane Remington Remy o o tshotsweng ka Moranang 2016.[11] Ka Seetebosigo 2020, Clarkson o ne a rulaganyetsa go tlhala Blackstock a supa fa ba sa kgone go agisana.[12][13] ka Mopitlo 2022, go ne ga begiwa fa tlhalano ya bone e kgonne go fediwa.[14]

Ka Phalane 2019, Clarkson o ne a bolela fa a ntse a tlhokometse bolwetse jo disele tsa motho di tlhaselang mmele, ga mmogo le bolwetsi jwa thyroid fa e sale ka 2006,[15][16] e le kgang e a neng a kile a e bua mo thulaganyong ya Today ka ngwaga wa 2018.[17] Ka Tlhakole 2022, Clarkson o ne a fetola leina la gagwe semmuso go nna Kelly Brianne. Clarkson o ne a supa fa phetolo ya leina e ne e le gore a le dirise mo botshelong jwa gagwe e seng kwa tirong. Mo puisanong, Clarkson o ne a supa gore leina la tiro le tla tswelela ntse e le lone le a ntseng a le dirisa. Clarkson o supile gore lebaka la phetolo ya leina la gagwe ke ka ntlha ya botsalano bo bo neng bo reketla gareng ga gagwe le rragwe o o tlhokafetseng.

Metswedi

fetola
  1. ↑ Small, Elle. "Kelly Clarkson All I Ever Wanted Review". BBC. Archived from the original on November 25, 2017. Retrieved August 25, 2017.
  2. ↑ "Kelly Clarkson Biography". Rolling Stone. Wenner Media LLC. Archived from the original on July 9, 2012. Retrieved September 14, 2012.
  3. ↑ Willman, Chris (December 9, 2021). "What Are the Biggest Christmas Songs Released This Century? ASCAP Has a List and Checked It Twice". Variety. Archived from the original on January 25, 2022. Retrieved July 21, 2022.
  4. ↑ Wagmeister, Elizabeth (September 7, 2022). "Can Kelly Clarkson Save Daytime? The Host on Taking Over Ellen's Spot, Touring Again and Broadway Dreams". Variety. Variety Media, LLC. Retrieved September 7, 2022.
  5. ↑ "Kelly Clarkson, 'Stronger': Track-By-Track Review". Billboard. Archived from the original on July 8, 2019. Retrieved July 8, 2019.
  6. ↑ Webber, Stephanie (October 21, 2013). "Kelly Clarkson Marries Fiance Brandon Blackstock In Tennessee – All the Details!". Us Weekly. Retrieved October 21, 2013.
  7. ↑ Nessif, Bruna (February 12, 2013). "Reba McEntire "Thrilled to Death" to Have Kelly Clarkson as Daughter-in-Law". E!. Retrieved October 21, 2013.
  8. ↑ Webber, Stephanie (October 21, 2013). "Kelly Clarkson Marries Fiance Brandon Blackstock – All the Details!". Us Weekly. Archived from the original on October 21, 2013. Retrieved October 21, 2013.
  9. ↑ Vivinetto, Gina (October 1, 2018). "Kelly Clarkson reveals secret to working with her hubby: 'It comes down to respect'". Today. Archived from the original on December 27, 2018. Retrieved December 26, 2018.
  10. ↑ "River Rose Blackstock is Kelly Clarkson's baby's name". United Press International. June 15, 2014. Retrieved May 3, 2023.
  11. ↑ "Kelly Clarkson Shares First Photos of Her Son Remington". Time.com. Archived from the original on March 30, 2017. Retrieved October 28, 2017.
  12. ↑ Drysdale, Jennifer (June 11, 2020). "Kelly Clarkson Files for Divorce From Husband Brandon Blackstock". Entertainment Tonight. United States. Archived from the original on June 11, 2020. Retrieved June 11, 2020.
  13. ↑ Trepany, Charles (September 21, 2020). "Kelly Clarkson reveals she 'definitely didn't see' her divorce coming on talk show premiere". USA Today. Archived from the original on January 16, 2021. Retrieved December 5, 2020.
  14. ↑ "Kelly Clarkson Settles Divorce, Will Pay Brandon Blackstock Over $1.3M Plus Monthly Spousal Support". Peoplemag. Retrieved November 26, 2022.
  15. ↑ Kelly Opens Up About Her Autoimmune Disease & How A Book Changed Her Life | The Kelly Clarkson Show, archived from the original on December 27, 2019, retrieved November 1, 2019
  16. ↑ "Kelly Clarkson reveals weight loss is 'side effect' of controlling thyroid issue". TODAY.com. June 8, 2018. Archived from the original on November 15, 2019. Retrieved November 1, 2019.
  17. ↑ "What We Know About Kelly Clarkson's Thyroid Issue". Billboard. Archived from the original on October 12, 2019. Retrieved November 1, 2019.
Retrieved from "https://tn.wikipedia.org/w/index.php?title=Kelly_Clarkson&oldid=38617"