Kwesta

Senzo Brikka Vilakazi (otshotswe ka 11 Phatwe 1988) o itsegeng botoka ka leina la gagwe la boopedi

Kwesta
Kwesta performing at City-View in Durban 2016
Tsalo	Senzo Mfundo Vilakazi (1988-08-11) 11 August 1988 Katlehong, Gauteng
Maina amangwe	DaKAR
Tiro	Rapper songwriter
Mosadi	Yolanda Mvelase ​ (m. 2017)​
O fetheletse	Forbes Africa 30 under 30 (2018)
Tiro ya boopedi
Letso	Ekurhuleni, Gauteng, South Africa
Mefota	Hip hop
Didirisiwa	Vocals
Dingwaga tsa a le mo boopeding	2002–present
Labels	Buttabing (former) Urbantainment (former) RapLyF (former)

Kwesta, ke moopedi wa Aforika Borwa wa mmino wa rap gape ke mokwadi wa dipina. Kwesta o tsholetswe ko Katlehong, Gauteng, toropo e itsegeng gape ka leina la “K1". Ka 2003 a nale dingwaga di le 15, e ne le ditsala tsa gagwe ba ne ba dira mokgatlho wa mmino wa rap ba o bitsa Ghetto Fellaz.

Botshelo jwa gagwe le tiro

Kwesta o ne a tsena Sekolo sa Sekontari sa Phumlani kwa Katlehong ka dingwaga di le tharo, mme moragonyana a tsena Sekolo sa Sekontari sa Alafang. O ne a simolola go kgatlhegela poko ka nako ya fa a ne a le kwa sekolong se segolwane mme a amogela dikakgelo tse di siameng le kgothatso go tswa mo baithuting ka ene le barutabana. Ka 2003, Kwesta o ne a nna karolo ya setlhopha sa The Ghetto Fellas se se neng sa itsege jaaka The Juvenylz. Setlhopha seno se ne sa phatlalala morago ga dingwaga di le pedi. Morago ga go phatlalala ga setlhopha, Kwesta o ne a dira tumalano le Africa's Most Southern Record Company go dirisa di-studio tsa bone. Ka nako eno, Kwesta o ne a nna le seabe mo dikgaisanong le mo ditiragalong go dira gore letshwao la gagwe le bonale. O ne a tsaya karolo mo kgaisanong ya Rap Activity Jam MC of the Month ya YFM. O ne a fenya mo kgaisanong ya ETV ya Shiz Niz Freestyle Kings Special. Gape, o ne a tshameka kwa The Rand Show, Miss Confidence Show le The Durban Beach Festival. Rapper o ne a tlogela sekolo sa sekontari a le dingwaga di le 16.[ Morago ga moo o ne a dira gore mmaagwe a mo neye madi a thekisi a a tlhokegang go ya kwa diofising tsa Buttabing Entertainment. Kopano eo e ne ya dira gore a tsenngwe mo lenaaneng la khampani ya gagwe ya rekoto e e neng e tshwaya tshimologo ya tiro ya gagwe ya go saena.

Tshimologo ya tiro ya gagwe

Ka ngwaga wa 2007, Kwesta o ne a nna moatlhodi mo Sprite Hip Hoop Tour le mo The Ventilation Street Tape.O ne gape a le karolo ya The Nokia Defend Your Street Campaign, koo a neng a dira le bataki ba bangwe go tlhama pina ya setlhogo. Mo ngwageng ona oo, Kwesta o ne a golola pina ya gagwe ya ntlha e e bidiwang Sharp Fede. Moragonyana o ne a golola mixtape ka tirisanommogo le DJ C-Live. Ka 2010, Kwesta e ne e le mongwe wa ba le mmalwa ba ba tlhophilweng jaaka Brand SA Ambassadors. O ne a tshameka kwa dipontshong tsa bosetšhaba tse di neng di tshwerwe pele ga Sejana sa Lefatshe sa FIFA sa 2010 se se neng se tshwaretswe kwa Afrika Borwa. Kwesta o ne a dira mmogo le Kelly Rowland, Jozi, le 2Face gareng ga baopedi ba bangwe mo pina ya Everywhere You Go ya MTN. O ne a tshameka gape ka nako ya moletlo wa go tswala Sejana sa Lefatshe sa FIFA sa 2010.