Kyra Cooney-Cross

Kyra Lillee Cooney-Cross (yo o tshotsweng ka Tlhakole a le lesome le botlhano ka 2002) ke motshameki wa kgwele ya dinao e e porofeshionale wa moAustralia yo o tshamekang fagare mo setlhopheng sa Women's Super League sa Arsenal le sa setshaba sa Australia. O tshameketse Hammarby IF ya Damallsvenskan, le gape Western Sydney Wanderers le Melbourne Victory kwa W-League.

Kyra Cooney-Cross

Cooney-Cross in 2019
Motshameki wa kgwele ya dinao
Leina ka botlalo	Kyra Lillee Cooney-Cross
Letsatsi la tsalo	(2002-02-15) 15 February 2002
Lefelo la tsalo	Herston, Queensland, Australia
Bolele	164 cm (5 ft 5 in)
Maemo	Midfielder
Club information
Current team	Arsenal
Number	32
Youth career
2013–2016	Ballarat City
Tiro ya gagwe*
Dingwaga	Setlhopha	Metsh	(Dinno)
2017–2019	Melbourne Victory	16	(2)
2019–2020	Western Sydney Wanderers	13	(4)
2020–2022	Melbourne Victory	28	(7)
2022–2023	Hammarby IF	30	(1)
2023–	Arsenal	6	(0)
Setlhopha sa setshaba‡
Australia U-17	Australia U-17	14	(14)
2018–	Australia U-20	8	(7)
2021–	Australia	40	(0)
*Metshameko ya gagwe le dinno, correct as of 17 December 2023 ‡ National team caps and goals, correct as of 5 December 2023

Botshelo ja pele

Cooney-Cross o tsholetswe Jessica Cooney le Jai Cross kwa Herston, Queensland. Jai o tshamekile kgwele ya dinao ya maemo a semi-pro kwa Queensland le Sunshine Coast mme o ne a batla morwadie a gole a tshameka kgwele ka dinao. Gantsi a tshameka le basetsana le basimane ba batona, fa a le dingwaga tse lesome le boraro a simolola kwa FFV NTC mme ngwaga moragonyana a iteka kwa Mini Matildas. Cooney-Cross o ne a tsena kwa Ballarat High School ga mmogo le kwa Surf Coast Secondary College kwa Torquay, Victoria pele ga a tlogela sekolo go sala toro ya gagwe ya kgwele ya dinao morago.

Tiro ya setlhopha

Cooney-Cross o tsere dingwaga tse tharo kwa Ballarat City fa gare ga 2013 le 2016 a tshameka ka fa tlase ga bokatisi jwa mokatisi wa Ballarat City, Tessa Curtain.

Melbourne Victory (2017–2019)

Ka 2017, Cooney-Cross o ne a saeniwa ke Melbourne Victory mo setlheng sa W-League sa 2017-18. Ka Phalane a le masome mabedi le boferabobedi ka 2017, o ne a dira tshameko ya gagwe ya ntlha mo setlhopheng seo, mo phenyong ya dino tse pedi go e le nngwe kgatlhanong le Canberra United, a tshameka metsotso e e tletsen e le masome a ferangbongwe e le motshameko wa gagwe wa kgaisano mo liking. Ka Sedimonthole a le masome a mabedi le boferabongwe ka 2017, o ne a nosa nno ya gagwe ya ntlha mo setlhopheng seo, mo tatlhegelong ya 3–1 kwa gae kgatlhanong le Newcastle Jets, a nosa ka tlhogo mo motsotsong wa bo masome a mabedi le boferabobedi a le kwa morago ga motshwaradino wa Jets Britt Eckerstrom. Kwa bofelong ja setlha o ne a tshamekile metshameko yotlhe ka bo lesome le bobedi ya Victory, a bo a nosa dino tse pedi. Mo setlheng sa 2018–19, o ne a le leloko la setlhopha se se neng sa fenya W-League le fa a ne a kgonne go tshameka metshameko e le mene fela mo go e e lesome le bobedi.

Western Sydney Wanderers (2019–2020)

Cooney-Cross a fudugela kwa Western Sydney Wanderers mo setlheng sa 2019–20 kwa a nositseng mo motshamekong wa gagwe wa ntlha, a nosa tlhago kotlhao mo motsotsong wa masome a ferabongwe le bobedi go tshwaya phenyo ya mo gae ya nno tse pedi go e le nngwe ya Adelaide United.

Melbourne Victory (2020–2022)

Ka Sedimonthole wa 2020 morago ga setlha se le sengwe kwa Western Sydney Wanderers, Cooney-Cross a boela kwa Melbourne Victory. Ka Moranang a le lesome le motso, Cooney-Cross a nosa go tswa ka hukung ka tlhamalalo mo motsotsong wa lekgolo le masome a mabedi wa nako e e okeditsweng go fenya makgaolakgang a pheleletso a W-League ya 2021 ba fenya baeteledi ba setlha seo Sydney FC ka nno e le nngwe go lefela.

Hammarby (2022–2023)

Ka Mopitlo a le lesome le botlhano 2022, Cooney-Cross a fudugela kwa Hammarby IF e e kwa Swedish Damallsvenskan a saena tumalano ya dingwaga tse pedi.

Arsenal (2023–)

Ka Lwetse a le lesome le botlhano wa 2023, Arsenal ya bega go saeniwa ga ga Cooney-Cross. Ian Wright o ne a batla Arsenal e koketse Cooney-Cross morago ga tiragatso e e tlhatswang pelo kwa sejana sa lefatshe sa 2023 abo a kopa Steph Catley go thusa go rotloetsa Cooney-Cross go ya kwa setlhopheng seo. Fa Phalane a rogwa ka 2023, letsatsi lantlha la pulo ya setlha sa 2023-24, Cooney-Cross a dira iponagatso ya gagwe ya ntlha mo setlhopheng fa se latlhegelwa ka nno e le nngwe go lefela kgatlhanong le Liverpool.