Wikipedia

Leah Williamson

Leah Cathrine Williamson OBE (yo o tshotsweng ka Mopitlo a le masome a mabedi le boferabongwe ka 1997) ke motshameki wa moesemane wa kgwele ya dinao ya porofeshionale yo o tshamekelang setlhopha sa Women's Super Leagues sa Arsenal ebile e le mokapotene wa setlhopha s bosetshaba sa Enyelane. Motshameki yo o dirang ditiro ka go farologana, o tshameka mo legareng la lemorago kana fa gare ga lebala. O berekile tiro ya gagwe yotlhe ya ba bagolwane ya kgwele mo gae kwa Arsenal. Gape o emetse Great Britain kwa metshamekong ya Olympics ka 2021. Williamson o eteletse Enyelane go ya go fenya UEFA European Championship, se eneng e le tlotla ya ntlha ya mafatshefatshe ya ntlha ya setlhopha seo sa bomme, ka 2022, kwa a neng a bitswa mo setlhopheng sa kgaisano eo.

Leah Williamson
Lua error: expandTemplate: template "post-nominals/UK" does not exist.
Williamson with England in 2022
Motshameki wa kgwele ya dinao
Leina ka botlalo Leah Cathrine Williamson[1]
Letsatsi la tsalo (1997-03-29) 29 March 1997 (age 27)[2]
Lefelo la tsalo Milton Keynes, England
Bolele 5 ft 7 in (1.70 m)[2]
Maemo Midfielder, centre back
Club information
Current team
 Arsenal
Number 6
Youth career
2003–2006 Rushden & Diamonds
2006–2013 Arsenal
Tiro ya gagwe*
Dingwaga Setlhopha Metsh (Dinno)
– Arsenal
Setlhopha sa setshaba
2010–2011 England U15
2012–2013 England U17
2014–2016 England U19
2014 England U20
2014–2018 England U23
2018– England
2021– Great Britain
Honours
Women's football
Representing  ENG
UEFA Women's Championship
Winner 2022 England
UEFA–CONMEBOL Finalissima
Winner 2023 England
*Metshameko ya gagwe le dinno

Morago ga go nna leloko la thulaganyo ya banana ya Arsenal go tswa a le dingwaga di ferabongwe, Williamson o tsene mo setlhopheng se segolo ele mosha kwa bofelong jwa letsholo la Champions League ka 2014: a simolola motshameko wa makgaolakgang a League Cup ngwaga o o, mo a neng a atlega ka bo ga gagwe.[3] Le Arsenal, Williamson o fentse liki gangwe le kopi ya FA le League Cup gabedi tsotlhe. O ntse mokapotene wa Arsenal makgetlho a le mmalwa mme a goroga kwa go iponagatseng makgolo a mabedi mo setlhopheng seo ka Sedimonthole wa 2022.[4]

Williamson o emetse Enyelane mo ditlhopheng tsotlhe tsa dingwaga tsa yone pele ga a tsena mo go se segolo ka 2018, mo go ipatleleng phatlha kwa 2019 FIFA World Cup. O ne a dirisiwa fale le fale mo dingwageng tsa gagwe tsa ntlha le Enyelane, mme a nna yo o ipoeletsang ka fa tlase ga motsamaisi Sarina Wiegman, yo a ileng a mmaya mokapotene wa sennelaruri ka 2022.[5][6]

Botshelo ja pele

fetola

Leah Cathrine Williamson o belegwe ka Mopitlon a le masome mabedi le boferabongwe ka 1997 kwa Milton Keynes ke David Williamson le mosadi wa gagwe, Amanda (Baker) Williamson[7] mme o goletse kwa Newport Pagnell kwa ntlheng ya bokone jwa toropo, a tsena sekolo sa Portfields School mo dithutong tse dipotlana le sekolo sa Ousedale mo dithutong tse dikgolwane.[8] O tswa mo lelapeng le le kgaoganeng la batshameki ba kgwele ya dinao, ka morwarraagwe le rraagwe e le balateli ba setlhopha sa Tottenham Hotspur kwa North London, fa ene, mmaagwe le nkokoagwe e le balatedi ba Arsenal F.C. (Diselammapa tse ditona tsa Spurs).[9][10][11] Mmaagwe Williamson o ne a tshameka kgwele ya dinao fa a sa le monnye, a kgaola moriri wa gagwe gore a tle a lebege jaaka mosimane mme a letlelelwe go tshameka.[12]

Ka 2006, o ne a tlhophiwa jaaka mascot wa setlhopha sa banna sa Arsenal mo motshamekong wa league cup kwa Hawthorns kgatlhanong le West Bromwich Albion, le fa a ne a le mo malatsing a boikhutso, mmaagwe, o ne a mo kgweetsa dikilometara di le makgolo mane le masome a mararo go tswa kwa Bude go netefatsa gore toro ya gagwe e a diragadiwa, o ne a duelwa ka setshwantsho le Theo Walcott wa Arsenal.[13] Ka 2007, o ne a tlhophiwa jaaka mascot wa Lionesses mme a tsamaya le Kelly Smith, mokapotene wa setlhopha ka nako eo mme e ne e le mongwe wa bao ba neng ba tshameka le ene mo isang yo Williamson a neng a tla mo latela moragonyana go nna mokapoten wa setlhopha sa Enyelane. Smith o ne a saena senepe sa ga Williamson mme a mmolelela gore a "lore ditoro tse dikgolo".[14][15]

Morago ga go lebelela motshameki wa go tlola sekgala e bong Greg Rutherford, yo le ene a tswang kwa Milton Keynes, kwa metshamekong ya 2012 Summer Olympics, Williamson o ne a akanya go fetola mogopolo wa gagwe go ya nna motabogi, motshameko o a neng a na le maitemogelo mo go one, mme a tlhotlhelesega go nna motshameki wa Diolimpiki.[16]

Tiro ya setlhopha

fetola

Rushden & Diamonds

fetola

Williamson o ne a ya kwa Rushden & Diamonds Centre of Excellence a na le dingwaga di le thataro. Ka nako eo, Williamson o ne a re, "Mokatisi wa me ka nako eo o ne a tsamaya a ya kwa Arsenal. Ke ne ka kgabaganya le ene mme ka dira diteko di le mmalwa mme ka lesego ba ne ba nkamogela mme ga ke a ka ka leba kwa morago go tloga ka nako eo. Ka jalo ke tshwanetse go leboga mokatisi wa me go tswa fela fa ke ne ke le dingwaga di ferabongwe".[17]

Arsenal

fetola

Williamson o ne a ya kwa Centre of Excellence ya Arsenal ka 2006 a le dingwaga di robabongwe.[18]

2014

fetola

Williamson o ne a tshameka mo setlhopheng sa maemo a ntlha letsatsi morago ga go tshwara dingwaga di le lesome le bosupa fa a ne a tsena mo motshamekong ka motsotso wa masome a ferabobedi a emisetsa Rachel Yankey fa Arsenal e ne e fenngwa ke Birmingham City ka 0-2 kwa quarterfinaleny ya UEFA Women's Champions League.[19] O ne a tshameka motshameko wa gagwe wa ntlha wa FA WSL ka Moranang a le lesome le borataro kgatlhanong le Notts County.[20] O ne a fenya sejana sa gagwe sa ntlha sa kgwele ya dinao, FA Women's Cup ka 2014 le Arsenal ka Seetebosigo a rogwa mo makgaolakgannyeng kgatlhanong le Everton, mo a neng a tsena mo motshamekong jaaka motshameki yo o neng a emisetsa Jade Bailey ka metsotso e le masome a supa le borataro.[21] Ka Phukwi a le lesome le borataro, Williamson o ne a nosa nno ya gagwe ya ntlha ya gagwe ya seporofeshenale mo Arsenal fa ba fenya Millwall Lionesses ka 4-0 mo League Cup.[22] Fa Lwetse a le gane, o ne a nosa nno ya gagwe ya ntlha mo liking kgatlhanong le Chelsea.[23] O ne a tshameka metshameko e le lesome le bobedi mo FA Women's Super League ya 2014. Williamson o ne a tshameka kwa makgaolakgannyeng a League Cup ya 2014 kgatlhanong le Manchester City mme Arsenal e ne ya latlhegelwa ka 1-0.[24] Kwa bokhutlong jwa setlha sa 2014, o ne a bidiwa League Cup Player of the Year, kwa pele ga Jess Clarke wa Notts County, Ji So-yun wa Chelsea le Toni Duggan wa Manchester City.[3]

2015

fetola
 
Rachel Yankey a neela Williamson lebanta la bokapotene ka mo motshamekong ka ngwaga wa 2015

Ka Firikgong a ferabobedi, Williamson o ne a gapa sekgele sa England Women's Youth Player of the Year.[25] Pele go simololwa 2015 FA Women's Super League, ka Mopitlo a le masome mararo le motso, Williamson o ne a saena tumalano ya gagwe ya ntlha ya porofeshenale le Arsenal.[26] Ka Moranang a le masome mabedi le borataro, o ne a bidiwa 2014-15 PFA Young Women's Player of the Year.[27] Williamson o ne a nosa nno ya gagwe ya ntlha ya setlha mo phenyong e e tlhatswang pelo ya 3-0 kgatlhanong le Watford mo League Cup ka Phukwi a le masome mabedi le boraro.[28] Williamson e ne e le motho wa botlhokwa mo go fenyang ga setlhopha mo League Cup, morago ga go fenya Manchester City mo kotareng ya makgaolakgang, e e neng e fentse Arsenal mo makgaolakgannyeng, Williamson o ne a re, "Ke akanya gore Arsenal jaaka setlhopha sa kgwele ya dinao se fentse dikgele di le dintsi mo nakong e e fetileng mme re ne re batla go tswelela go gapa dijana le setlhopha. Tota le fa go ne go na le batshameki ba babotlana mo setlhopheng re ne re akanya gore rotlhe re tshwanetse go fenya, go ne go na le tsholofelo tota pele ga motshameko. Re ne re ntse re akantse ka makgaolakgang a ngwaga o o fetileng mme re itse kafa City e leng setlhopha se sentle ka teng. Morago ga go ya kwa godimo ka 1-0 go ne go le thokafala go sireletsa mme re ne ra kgona go dira jalo mme e ne e le maduo a a molemo thata mo go rona. Ke akanya gore re ka kgona go gapa sekgele jaaka re se fentse gararo mme re tshwanetse go nna re tsepamisitse mogopolo mo motshamekong o o latelang".[29]

2016

Williamson o ne a thusa setlhopha sa gagwe go goroga kwa makgaolakgannyeng a FA Cup ya 2016, e Arsenal e neng ya e fenya ka nno go lefela kgatlhanong le Chelsea.[30]

2017–18

Williamson o ne a le teng mo FA WSL Cup ya 2017-18 fa Arsenal e ne e feletsa e le ditshimega ka go fenya bafenyi ba ba sireletsi ba sejana, Manchester City mo makgaolakgannyeng. Tshameko ya liki ya Arsenal e ne ya swabisa thata ka Arsenal e ne ya fosa go nna mo maemong a bobedi le go tsenela Champions League mo dingwageng tse thataro ka go latelelana mo WSL. O simolotse setlha sa gagwe a tshameka mo bogareng jwa lebala mme a fetogela mo tshireletsong ya bogare fa go goroga motsamaisi yo mosha Joe Montemurro ka Sedimonthole wa 2017. Williamson o ne a bua jaana ka go fetola maemo a gagwe: "Ga ke tlhomamise gore a ke tla kgona go dira jalo mo nakong e e tlang mme ga ke batle go tlogela tiro eno ka gonne ke itse gore nka kgona go dira dilo tseno tsotlhe ka bobedi. Mme ke itumelela go tshameka jaaka motshameki wa bogare ka tsela e re tshamekang ka yone. Fa re le kafa tlase ga ga Joe re batla go tshameka go tswa kwa morago mme seo se tsamaisana le dinonofo tsa me. Mo nakong eno ke itumelela go tshameka kwa bogareng, mme ke iketleeleditse go leba gore isago e ntsholetse eng".[31] Go ya kwa bokhutlong jwa setlha, Williamson o ne a akanya ka setlha fa e sale Montemurro a tsaya marapo, "Ke ikutlwa e kete fa Joe a sena go goroga re ne re le mo loetong gape, re ne re latlhegetswe ke seo go sekae. Go sa kgatlhalesege ka gompieno, ke ikutlwa e kete re aga sengwe. Mme motshameko mongwe le mongwe o re o tshamekileng fa e sa le ka Ngwanaatsele e ntse e le motshameko o re tshwanetseng go o fenya mme seo se ama maikutlo a rona thata. Mo motshamekong mongwe le mongwe re ne re itse gore go fenya go tla re thusa, mo kgaisanong le mo dikopanong".[31]

2018–19

Ka Phalane a le lesome le bone ka 2018, Arsenal e ne ya fenya ditshimega Chelsea ka tse tlhano go lefela, e e fenya mo gae la ntlha fa e sale go tloga ka Phukwi wa 2016.[32] Joe Montemurro o ne a simolola go dirisa Williamson ka fa mojeng wa ba bakwa morago ba bararo mme morago ga phenyo ya tse nne go lefela kwa Bristol City ka Phalane a le masome mabedi le boferabo ngwe, mo Williamson a neng a thusa Jordan Nobbs ka nngwe ya dino, o ne a bua sentle ka ga tiragatso ya gagwe.[33] Arsenal e ne ya fenya metshameko ya bone ya ntlha e le boferabongwe mme ya tsena mo motshamekong le Manchester City e le kwa pele ka dintlha di le thataro mo go ba ba neng ba gaisana le bone mo go gwetlheng bosimega; le fa go ntse jalo, ba ne ba latlhegelwa ka tse pedi go lefela ka ntlha ya mathata a dikgobalo. Metshameko e mebedi morago ga moo, mo motshamekong wa ga Williamson wa bolekgolo wa Arsenal, go fenngwa ke Chelsea ka tse pedi go e le nngwe go ne ga letla Manchester City go bona ntlha e le nngwe le fa ba ne ba tshameka motshameko o le mongwe go feta.[34]

Tlhakole a le masome mabedi le boraro, Arsenal e ne ya leka go sireletsa sejana sa bone sa FA WSL Continental Cup mme Manchester City e ne ya fenya ka tse nne go tse pedi morago ga dipenaliti; le fa go ntse jalo, Montemurro o ne a akgola Williamson morago ga motshameko.[35] Mo liking, Arsenal e ne ya fenya metshameko e le mene ka go latelana, mme morago ga go fenya Liverpool ka tse tlhano go e le nngwe Mopitlo a le masome mabedi le bone, motsamaisi wa Enyelane Phil Neville o ne a supa fa a tshepa gore Williamson o tla nna mokapotene wa setlhopha sa bosetshaba ka letsatsi lengwe.[36] Setlhopha se ne sa fenya metshameko e mengwe e le mene ka go latelana se fenya sejana ka go fenya Brighton ka tse nne go lefela kwa Falmer Stadium ka Moranang a le masome mabedi le boferabongwe.[37] Mo setlheng seo, ditlhago di ne di le dintsi thata fa gare ga ga Williamson le Lisa Evans kwa letlhakoreng la moja la kwa morago. Williamson o ne a kgwele thata go gaisa motshameki mongwe le mongwe wa Arsenal, ka 1,501, mme o ne a feleletsa ditlhago tse dintsi mo letlhakoreng la ba ba kgatlhanong (591). Gape o ne a kgona go kgoreletsa motshameki makgetlho a le masome a mararo, go feta motshameki ope fela yo mongwe mo setlhopheng.[38][39]

2019–20

Williamson o ne a tlhophiwa mo setlhopheng sa ngwaga sa PFA sa 2019-20.[40]

2020–21

Ka Lwetse a le lesome le boraro ka 2020, Williamson o ne a nosa nno ya gagwe ya ntlha ya setlha mo go fenyeng ga Arsenal ka dino di ferabongwe go e le nngwe kgatlhanong le West Ham United.

Ka Ngwanatsele a le lesome le boferabobedi, Williamson o ne a dira motshameko wa gagwe wa bo lekgolo le masome a le matlhano mo dikgaisanong tsotlhe tsa Arsenal kgatlhanong le Tottenham Hotspur mo Continental Cup, motshameko o Arsenal e neng e tla o tshameka maleka a tse pedi go tse pedi mme ba o fenya ka tse tlhano go tse nne ka diphenaliti.

2021–22

Ka Seetebosigo a le lesome le borataro ka 2021, Arsenal e ne ya itsise gore Williamson o saenetse tumalano e ntsha ya ngwaga le setlhopha go fitlha kwa bokhutlong jwa setlha sa 2021-22.[41] Ka Ngwanatsele a le lesome le boraro o ne a nna le kgobalo e e masisi ya mosifa mo motshamekong kgatlhanong le Tottenham.[42] Lotte Wubben-Moy yo a neng a tshameka le ene mo setlhopheng o ne a neela Leah nno ya gagwe mo motshamekong o o latelang.[43] O ne a boela go tshameka morago ga dikgwedi tse pedi.[44]

Dikgwedi di le supa fela morago ga go saena tumalano ya ngwaga o le mongwe, ka Firikgong wa 2022, o ne a dumela go nna le tumalano e telele le setlhopha. Arsenal ga e a ka ya bolela gore o tla nna nako e kae, mme mokatisi Jonas Eidevall o boletse gore Leah Williamson ke "motshameki yo re ka agang Arsenal go mo dikologa".[45]

2022–23

Ka Moranang a le masome a mabedi le motso, o ne a itsise gore kgobalo ya gagwe ya malatsi a le mabedi pele ga foo e ne e le ACL e e robegileng, e e neng ya dira gore a se ka a kgona go tshameka mo Champions League le mo Sejaneng sa Lefatshe moragonyana mo ngwageng oo.[46]

2023–24

Williamson o ne a boa go tswa mo kgobalong ka Firikgong a le masome mabedi le motso ka 2024 go tshameka mo Conti Cup kgatlhanong le Reading, koo a neng a tsena mo boemong jwa ga Jen Beattie mo motsotsong wa bo maome marataro le motso mme a thusa go nosiwa ga nno mo phenyong eo ya tse thataro go lefela.[47]

 
Williamson le England ka 2018




Metswedi

fetola
  1. ↑ "Leah Williamson-UEFA.com". Archived from the original on 22 October 2017. Retrieved 4 September 2017.
  2. ↑ 2.0 2.1 "FIFA Women's World Cup France 2019™ List of Players – England" (PDF). FIFA. 27 May 2019. p. 8. Archived from the original (PDF) on 27 May 2019. Retrieved 27 May 2019.
  3. ↑ 3.0 3.1 "Leah Williamson- Rising Star". fawsl.com. Archived from the original on 23 October 2014. Retrieved 19 October 2014.
  4. ↑ "Leah Williamson reflects on 200 appearances". Arsenal. 6 December 2022. Retrieved 29 December 2022.
  5. ↑ Burhan, Asif. "Leah Williamson Confirmed As New Permanent Captain Of England Women's Soccer Team". Forbes. Retrieved 29 December 2022.
  6. ↑ Reynolds, Tom (30 December 2022). "Leah Williamson: From gamble as captain to face of women's football". BBC Sport. Retrieved 1 January 2023.
  7. ↑ "Euro 2022: Leah Williamson's mum talks matchday nerves". bbc.co.uk. Retrieved 14 July 2024.
  8. ↑ "Women's World Cup 2019: Mapping England's Lionesses squad". BBC Sport. 2 July 2019. Retrieved 6 September 2019.
  9. ↑ "Leah Williamson handling expectation as Arsenal bid to end four-year title wait". London Evening Standard. 8 March 2016. Retrieved 25 February 2016.
  10. ↑ Wrack, Suzanne (10 May 2019). "Arsenal's Leah Williamson: 'I'll put myself on the line for this club'". The Guardian. ISSN 0261-3077. Retrieved 31 May 2019.
  11. ↑ "From Arsenal mascot to England captain - Williamson's rise to top of women's game". talkSPORT. 17 February 2022. Retrieved 1 January 2023.
  12. ↑ Campbell, Hayley (9 November 2022). "Leah Williamson has goals". GQ. Retrieved 1 January 2023.
  13. ↑ "From Arsenal mascot to England captain - Williamson's rise to top of women's game". talkSPORT. 17 February 2022. Retrieved 1 January 2023.
  14. ↑ Kelly Smith [@Kelly_Smith10] (31 July 2022). "Good luck to @LeahCWilliamson and the @Lionesses tonight. Boy how you have grown and done so well..." (Tweet). Retrieved 27 December 2023 – via Twitter.
  15. ↑ BBC Radio 4 (1 August 2022). "Woman's Hour: Women's Euro 2022". BBC Sounds. British Broadcasting Corporation. Retrieved 27 December 2023.
  16. ↑ McKenzie, Courtney (5 June 2021). "Leah Williamson admits she considered other Olympic sports". Her Football Hub. Retrieved 1 January 2023.
  17. ↑ Stillman, Tim (28 January 2018). "Arseblog News Exclusive! Interview with Arsenal Women's Leah Williamson | Arseblog News – the Arsenal news site". Retrieved 17 June 2019.
  18. ↑ "Leah Williamson". Arsenal F.C. Retrieved 14 September 2014.
  19. ↑ Moore, Isaac. "WCL: Arsenal Ladies 0–2 Birmingham". Arsenal F.C. Retrieved 16 September 2014.
  20. ↑ "Notts County vs. Arsenal – 16 April 2014". Soccerway. Retrieved 7 September 2014.
  21. ↑ "Kelly Smith stars as Arsenal retain The FA Women's Cup". The Football Association. 1 June 2014. Retrieved 1 April 2015.
  22. ↑ "Continental Cup: Millwall 0–4 Arsenal". Arsenal F.C. Retrieved 14 September 2014.
  23. ↑ "Arsenal vs. Chelsea – 4 September 2014". Soccerway. Retrieved 7 September 2014.
  24. ↑ "Arsenal Ladies vs Manchester City Ladies FA WSL Cup 2014". Football-Lineups. Retrieved 25 June 2019.
  25. ↑ "Wayne Rooney scoops England Player of the Year award". The Football Association. Retrieved 8 January 2015.
  26. ↑ "Leah Williamson Signed First Contract". arsenalladies.com. Arsenal Ladies. Archived from the original on 25 March 2018. Retrieved 1 April 2015.
  27. ↑ "PFA Women's Young Player of the Year: Leah Williamson — News — The PFA". thepfa.com. Professional Footballers' Association. Retrieved 27 April 2015.
  28. ↑ "Arsenal Ladies v Watford". Archived from the original on 27 July 2015. Retrieved 30 July 2015.
  29. ↑ "Leah Williamson delighted as Arsenal book semi-final spot". www.fawsl.com. Retrieved 25 June 2019.
  30. ↑ "Arsenal Ladies 1–0 Chelsea Ladies". BBC Sport. 14 May 2016. Retrieved 23 May 2018.
  31. ↑ 31.0 31.1 Stillman, Tim (28 January 2018). "Arseblog News Exclusive! Interview with Arsenal Women's Leah Williamson | Arseblog News – the Arsenal news site". Retrieved 18 June 2019.
  32. ↑ "Williamson: Arsenal can rediscover fear factor after Chelsea thrashing". Evening Standard. 15 October 2018. Retrieved 20 June 2019.
  33. ↑ Stillman, Tim (2 November 2018). "Arsenal v Birmingham City Women Match Preview | Arseblog News – the Arsenal news site". Retrieved 20 June 2019.
  34. ↑ Stillman, Tim (13 January 2019). "Arseblog Exclusive! Leah Williamson Reacts to Chelsea Defeat | Arseblog News – the Arsenal news site". Retrieved 20 June 2019.
  35. ↑ Stillman, Tim (24 February 2019). "Joe Montemurro Reacts to Conti Cup Final Defeat | Arseblog News – the Arsenal news site". Retrieved 20 June 2019.
  36. ↑ Hattenstone, Simon (13 April 2019). "Phil Neville: 'The tweets were wrong then and wrong now'". The Guardian. ISSN 0261-3077. Retrieved 20 June 2019.
  37. ↑ Stillman, Tim (29 April 2019). "'Since I Was 9, All I Ever Wanted Was To Win The League With Arsenal.' Arseblog Excusive with Leah Williamson | Arseblog News – the Arsenal news site". Retrieved 20 June 2019.
  38. ↑ Stillman, Tim (20 April 2019). "Arsenal Women Are No One Woman Show | Arseblog News – the Arsenal news site". Retrieved 20 June 2019.
  39. ↑ "2018/19: The stats behind our title-winning season". www.arsenal.com. Retrieved 20 June 2019.
  40. ↑ Lerner, Aaron (8 September 2020). "Arsenal have 4 players named to PFA Team of the Year". The Short Fuse. Retrieved 31 December 2023.
  41. ↑ "Leah Williamson signs new contract".
  42. ↑ Whitehead, Jacob. "Arsenal and England's Leah Williamson suffers 'significant' hamstring injury". The Athletic. Retrieved 31 December 2023.
  43. ↑ Garry, Tom (17 November 2021). "Lotte Wubben-Moy dedicates goal in Champions League win over HB Koge to Leah Williamson". The Telegraph. ISSN 0307-1235. Retrieved 31 December 2023.
  44. ↑ "Arsenal's season is crumbling & Leah Williamson's injury return is critical". 90min.com. 20 January 2022. Retrieved 31 December 2023.
  45. ↑ "Leah Williamson signs new contract". www.arsenal.com. Retrieved 16 January 2022.
  46. ↑ "England skipper Williamson to miss World Cup with knee ligament injury". Reuters. 21 April 2023. Retrieved 21 April 2023.
  47. ↑ "Williamson back from injury in Arsenal cup cruise". BBC Sport. Retrieved 25 January 2024.
Retrieved from "https://tn.wikipedia.org/w/index.php?title=Leah_Williamson&oldid=38099"