Lia Wälti
Lia Joëlle Wälti (yo o tshotsweng ka Moranang a le lesome le boferabongwe 1993) ke motshameki wa kgwele ya dinao e e porofeshionale wa moSwiss yo o tshamekang fa gare wa setlhopha sa Women's Super League sa Arsenal le sa setshaba sa Switzerland. Ke mokapotene wa setlhopha sa setshaba sa Switzerland gape ele mokapotene wa bone wa Arsenal. E ne ele mokapotene wa setlhopha sa gagwe sa pele sa Turbine Potsdam. Pele ga a saena le Arsenal ka Phukwi wa 2018, o tshamekile seporofeshionale kwa setlhopheng sa Nationalliga A sa YB Frauen go tswa ka 2009 go ema ka 2013 le kwa setlhopheng sa Bundesliga sa Turbine Potsdam go tswa ka 2013 go ema ka 2018.
 Wälti during a press conference with Switzerland in 2017 | |||
| Motshameki wa kgwele ya dinao | |||
|---|---|---|---|
| Leina ka botlalo | Lia Joëlle Wälti[1] | ||
| Letsatsi la tsalo | 19 April 1993 | ||
| Lefelo la tsalo | Langnau im Emmental, Bern, Switzerland | ||
| Bolele | 1.67 m (5 ft 6 in) | ||
| Maemo | Midfielder | ||
| Club information | |||
Current team | Arsenal | ||
| Number | 13 | ||
| Tiro ya gagwe* | |||
| Dingwaga | Setlhopha | Metsh | (Dinno) |
| 2008–2009 | Köniz | ||
| 2009–2013 | YB Frauen | ||
| 2013–2018 | Turbine Potsdam | (7) | |
| 2018– | Arsenal | (3) | |
| Setlhopha sa setshaba | |||
| 2011– | Switzerland | (5) | |
| *Metshameko ya gagwe le dinno | |||
E sale e nna leloko la setlhopha sa setshaba sa Switzerland go tloga ka Phatwe wa 2011.[2] Fa e le motshameki wa boditshabatshaba wa Under-19, o tshamekile kgaisano ya U-19 European Championship ya 2009[3] le sejana sa lefatshe sa U-20 sa 2010.[4]
Tiro ya setlhopha
fetolaTiro ya pele
Mo bongwaneng ja gagwe, Wälti o ne a tshameka hoki ya aese ga mmogo le kgwele ya dinao.[5] Ka 2002, fa a le dingwaga diferabobedi, a simolola go tshameka kwa FC Langnau, setlhopha sa kgwele ya dinao ya basimane se se neng se katisiwa ke rraagwe. Ka 2007 o ne a dumelelwa kwa Huttwill Training Centre mme sephatlo sa ngwaga moragonyana, a ya kwa Team Bern West. Ka 2009 o ne a fudugela kwa BSC Young Boys kwa a neng a tshameka sebaka sa ngwaga mo setlhopheng sa basimane ba dingwaga tse di ka fa tlase ga lesome le borataro.
FC Köniz (2008–2009)
Mo nakong yone e a neng a tshamekela Team Bern West, Wälti o ne a ikgolaganya le FC Köniz ba liki ya Swiss Challenge.
BSC YB Frauen (2009–2013)
Ka 2009, Wälti a golagana le BSC YB Frauen kwa ka 2011 a ileng a fenya Nationalliga A. Mo ngwageng one o gape, a simolola go tshameka mo UEFA Women's Champions League.[6]
Turbine Potsdam (2013–2018)
Ka 2013, Wälti a saena tumalano le 1. FFC Turbine Potsdam ya Frauen-Bundesliga.[7] O ne a bewa mokapotene wa setlhopha seo mo setlheng sa gagwe sa bobedi mme a tshameka metshameko e le lekgolo le lesome fa gare ga dingwaga tsa 2013 le 2018.
Arsenal (2018–)
Morago ga go iponagatsa makgetlho a le lekgolo le lesome le setlhopha sa Jeremane, Wälti a saena tumalano le Arsenal ka Phukwi wa 2018.[8] Wälti o ne a nna le seabe se se tona mo setlheng sa 2018–2019 sa Arsenal e fenya liki ya WSL le fa a ne a tshamekile sephatlo sa setlha seo a sena go bona kgobalo ya LCL e e neng ya mmaya kwa ntle ga lebala dikgwedi di robabongwe ka Moranang wa 2019.[9] O ne a akarediwa mo setlhopheng sa ngwaga sa PFA sa 2018-2019.[10] Ka Sedimonthole a le lesome le boraro 2019, Wälti a saena tumalano e telele le setlhopha se.[11]
Tiro ya boditshabatshaba
fetolaBonana
Wälti o tshamekile kwa kgaisanong ya U-17 European Championship ya 2008. Gape o tshameketse setlhopha sa Switzerland sa U19 ka 2008 le 2009. O ne a goroga kwa sekamakgaolakgannyeng a U-19 European Championship ka 2009. Ngwaga o o latelang, a golagana le setlhopha sa U-20 kwa metshamekong ya sejana sa lefatshe sa U-20 sa 2010.
Bogolo
Ka Phatlwe a le masome a mabedi le bongwe 2011, Wälti a simolola tshameko ya gagwe le setlhopha se segolo sa bosetshaba sa Switzerland mo motshamekong kgatlhanong le Scotland.
Ka 2015, a tshameka sejana sa lefatshe. Ka 2019, morago ga go tlogela tiro gaga Lara Dickerman, a bitswa e le mokapotene.
Dipalopalo tsa tiro
fetolaSetlhopha
- Go ema ka Firikgong a le masome a mabedi, 2024
| Setlhopha | Setlha | Liki | Dikopi | Tsa kontinente | Palogotlhe | |||||
|---|---|---|---|---|---|---|---|---|---|---|
| Karolo | Iponagatso | Dino | Iponagatso | Dino | Iponagatso | Dino | Iponagatso | Dino | ||
| Turbine Potsdam | 2013–14 | Frauen-Bundesliga | 19 | 0 | 1 | 0 | 6 | 2 | 26 | 2 |
| 2014–15 | 20 | 2 | 5 | 0 | — | 25 | 2 | |||
| 2015–16 | 22 | 3 | 3 | 0 | — | 25 | 3 | |||
| 2016–17 | 15 | 2 | — | — | 15 | 2 | ||||
| 2017–18 | 21 | 0 | 3 | 0 | — | 21 | 0 | |||
| Palogotlhe | 97 | 7 | 12 | 0 | 6 | 2 | 110 | 9 | ||
| Arsenal | 2018–19 | WSL | 12 | 0 | 5 | 0 | — | 17 | 0 | |
| 2019–20 | 10 | 0 | 6 | 1 | 4 | 0 | 20 | 1 | ||
| 2020–21 | 20 | 0 | 3 | 0 | — | 23 | 0 | |||
| 2021–22 | 20 | 0 | 3 | 0 | 8 | 0 | 31 | 0 | ||
| 2022–23 | 18 | 1 | 2 | 0 | 11 | 0 | 31 | 1 | ||
| 2023–24 | 10 | 0 | 1 | 1 | 2 | 0 | 13 | 1 | ||
| Palogotlhe | 90 | 1 | 20 | 2 | 25 | 0 | 135 | 3 | ||
| Palogotlhe ya Tiro | 187 | 8 | 32 | 2 | 31 | 2 | 246 | 12 | ||
Boditshabatshaba
- Lenaane la dino le maduo a palogotlhe ya dino tsa Switzerland pele, molokololo wa dino o supa palo ya dino morago ga nno nngwe le nngwe ya ga Wälti.
| No. | Letsatsi | Lefelo | Moganetse | Dino | Maduo | Kgaisano |
|---|---|---|---|---|---|---|
| 1 | 24 November 2017 | LIPO Park, Schaffhausen, Switzerland | Belarus | 2–0 | 3–0 | 2019 FIFA Women's World Cup qualification |
Ditlotla
fetolaBSC YB Frauen
- Nationalliga A: 2010–11
Turbine Potsdam
- maemo a bobedi mo DFB-Pokal Frauen : 2014–15
Arsenal
Tsa bonosi
Metswedi
fetola- ↑ "List of Players – Switzerland" (PDF). FIFA. 30 May 2015. p. 22. Archived from the original (PDF) on 28 May 2015. Retrieved 31 May 2015.
- ↑ Profile in the Swiss Football Association's website
- ↑ French and Swiss advance to semis. UEFA
- ↑ Statistics in FIFA's website
- ↑ "Arseblog Exclusive Interview with Lia Wälti- 'The more we play at the Emirates, the more it will feel like home.'". 28 July 2021.
- ↑ "Lia Wälti".
- ↑ "Lia Wälti wechselt zu Turbine Potsdam". Archived from the original on 30 July 2013.
- ↑ "Lia Walti joins the club". 13 July 2023.
- ↑ "Lia Walti undergoes knee surgery, likely out 9 months". 11 April 2019.
- ↑ "Lia Walti injury update". 13 July 2023.
- ↑ "Lia Walti commits her future to the club". 13 July 2023.
- ↑ "Women's Honours". www.arsenal.com. 13 July 2023.
- ↑ Sanders, Emma (5 March 2023). "Arsenal 3–1 Chelsea: Gunners fight back to win Women's League Cup final". BBC Sport. Retrieved 5 March 2023.
- ↑ "PFA WSL TEAM OF THE YEAR". www.thepfa.com.
- ↑ baumgartner.stefan. "Swiss Football Night: Virtuelle Auszeichnung für die Besten des Jahres 2021". www.football.ch (in German). Retrieved 28 January 2022.
External Links
fetola- Lia Wälti at Soccerway