Real Madrid Femenino

Real Madrid Femenino ke setlhopha sa Spain sa kgwele ya dinao ya bomme e e porofeshionale sa kwa Madrid se se tshamekang mo Primera División, legato le le kwa godimo mo kgweleng ya dinao ya bomme ya Spain. Se simolodisitswe e le setlhopha se se ipusang sa Club Deportivo TACÓN ka 2014, setlhopha se ne sa tsena mo bokopanong le thulaganyo ya go tsewa go simolola ka 2019 mme se ne sa fetolwa leina go ya kwa lekaleng la kgwele ya dinao ya bomme la setlhopha sa Real Madrid ka 2020.

Real Madrid Femenino

Leina ka botlalo	Real Madrid Club de Fútbol Femenino
Maina a tshameko	Las Blancas (The Whites)
Tshimologo	CD TACÓN: 12 Lwetse 2014 (2014-09-12) Real Madrid Femenino: 1 Phukwi 2020 (2020-07-01)
Lebala	Alfredo Di Stéfano Madrid, Spain
Palo	6,000
Modulasetilo	Florentino Pérez
Motsamaisi	Alberto Toril
Leki	Primera División
2022–23	Primera División, 2nd
Maranyane	Club website
Home colours Away colours Third colours

Ditso

2014–2019: Club Deportivo TACÓN

CD TACÓN e tlhamilwe ka Lwetse a le lesome le bobedi ka 2014 mme ya simolola go tshameka mo maemong a a kwa godimo ka 2016. Leina TACÓN (Heel) ke khutswafatso ya Trabajo (tiro) Atrevimiento (bopelokgale) Conocimiento (kitso) Organización (thulaganyo) Notoriedad (ponalo/kitsego). Mo setlheng sa bone sa kgaisano sa 2015–16, setlhopha se se ne se kwadisitse setlhopha sa uder-14 fela. Ka Seetebosigo wa 2015, TACÓN e ne ya bega bokopano le CD Canillas go kopanyana ditlhopha tsa bone tse dikgolwane le tsa under-19.

Mo setlheng sa bone sa ntlha kwa maemong a a kwa godimo,mo Segunda División ya 2016–17, TACÓN ya fetsa mo maemong a bobedi mo setlhopheng sa kgaolo ya bone, fa morago ga Madrid CFF ba ba neng ba fenya tlhatloso go ya kwa Primera División.

Ka gore tsotlhe Madrid CFF le TACÓN e ne e le ditlhopha tse di neng di ka nna tsa tsewa ke Real Madrid, ga nna le boselammapa fa gare ga tsone. Madrid CFF e tlhamilwe ka 2010 ke mogwebi wa rre Alfredo Ulloa wa leloko la Real Madrid socio jaaka mosimolodisi wa TACÓN, Ana Rossell. O tlhalositse fa botsalano ja ditlhopha tseo bo nolofetse ka 2019.

Rossell o ne a kopile botautona ba Real Madrid ka go thomagana, Lorenzo Sanz, Florentino Pérez le Ramón Calderón gore ba thame letlhakore la kgwele ya bomme esale ka 1997 mme a seka a amogela epe phetolo e e tlhomamisitsweng. Go ya ka Rossell dikopo tsa gagwe di ne tsa ganwa, bogogi ja setlhopha bo bua gore letlhakore la bomme le ka se nne bogadi ka ha go tsa madi. Mo dingwageng tseo, e ne e le motshameki wa Atlético Feminas le CD Canillas. Ka 2016, Rossell o ne a kopa phatlalatsa gore Real Madrid e tlhame letlhakore la kgwele ya dinao ya bomme.

Ka Seetebosigo wa 2017, tautona wa Real Madrid Florentino Pérez a bolela fa setlhopha se tlaa itirela setlhopha sa bomme go tswa kwa tshimologong, ba tlaa seke ba reke setlhopha sepe se se leng teng. Rossell o ne a kile a bua ka 2013 fa Pérez a akanyetsa go simolodisa setlhopha sa kgwele ya dinao ya bomme kwa setlhopheng seo. Mme jalo Real e ne e dira jalo dingwaga kana dikete tsa dingwaga morago ga ditlhopha tse dingwe kwa Yuropa le mo toropong ua Madrid ka bo yone.

Ka El Larguero ka 2017, Pérez o ne a re, re tlaa nna le setlhopha sa bomme. Re bereka mo go yone mme e tlaabo e le mo maemong a setlhopha se se tlhamilweng se le sesha, eseng setlhopha se re tsaang batshameki ba ba gaisang kwa Jeremane, Brazil... Seo ga se se Madridismo e leng ka sone.

Moragonyana ka Lwetse wa 2018, Pérez o ne a seke a akaretsa go nna le setlhopha sa bomme, jaaka El Confidencial e ne ya bega, Florentino o ne a sa batle go dirisa madi mo letlhakoreng le le sa tlhomamiseng dikopi mme diagente tsa gagwe di ne tsa mo aketsa ka ditshenyegelo tse di tlhokafalang gore a e tlhame. Kgwele ya dinao ya bomme e ne e sa umakiwa ke Pérez gotlhelele kwa bokopanong ja setlhopha ja ngwaga le ngwaga ka Lwetse a le masome a mabedi le boraro ka 2018, mme Oscar Sanz wa El País a kwala a re Real Madrid e na le tlotla e e thabisang ditlhong ya go nna, yone le Getafe, tsone ditlhopha fela tsa First Division tse di iseng di nne or tse di se nang setlhopha sa bomme.