Roberta Frank

Roberta Frank (o tshotswe ka 1941) ke moitseanape wa puo wa kwa Amerika yo o itsegeng thata ka puo le dibuka tsa Seesemane sa Bogologolo le Se-Norse sa Bogologolo. Ke porofesa ya Marie Borroff Emeritus ya Seesimane kwa sekolong se se golwane sa Yale.

Tiro

Frank o ne a amogela dikirii ya B.A. ya go bapisa dibuka kwa New York University ka 1962 le Ph.D. ya go bapisa dibuka kwa Harvard University ka 1968. Thutopatlisiso ya gagwe ya bongaka e ne e bidiwa Wordplay in Old English Poetry. Frank o ne a ruta kwa sekolong se se golwane sa Toronto go simolola ka 1968, go tloga ka 1978 jaaka porofesa wa leruri le go tloga ka 1995 jaaka Moporofesara wa sekolo se se golwane . O ne a abelwa Guggenheim Memorial Fellowship ka 1985.Kwa Toronto, o ne a nna le seabe mo porojekeng ya Dictionary of Old English mme a direla jaaka Mokaedi wa Centre for Medieval Studies (1994 - 99).

Ka ngwaga wa 2000, o ne a tsena mo Lefapheng la Puo ya Seesimane le Dikwalo kwa Yunibesithing ya Yale, la ntlha e le Douglas Tracy Smith Professor wa Seesimane mme morago, ka ngwaga wa 2008, e le Marie Borroff Professor wa Seesimane. Gape ke motlhatlheledi yo mogolo wa patlisiso kwa MacMillan Center for International and Area Studies. Frank o ne a tlhophiwa go nna leloko la Medieval Academy of America ka 1989, a direla jaaka Tautona wa Academy eo ka 2006, le go nna leloko la Royal Society of Canada ka 1995. O ne a nna motlhami wa International Society of Anglo-Saxonists (jaanong ke International Society for the Study of Early Medieval England) ka 1981 a direla jaaka Motlatsa-Moporesidente wa Ntlha (1985-1986), morago a nna moporesidente wa yona (1986-87).

Botshelo jwa gagwe

Frank o tsholetswe kwa Bronx. O nyetswe ke mokwalahisitori wa dingwaga tsa bogare Walter Goffart.