Tigane

Tigane ke leina la lokeišane kana lefelo le le nnye le le bonagalang le le mo tshimologong ya thaba, le le fitlhelwang mo torotswaneng ya Hartbeesfontein, e e welang mo tlase ga mmasepala (municipality) wa Matlosana mo sedikeng (district) sa Ngaka (Dr) Kenneth Kaunda mo porofenseng ya Bokonebophirima.

Mmepe

Fela jaaka mmepe o o mametleletsweng o bontsha, Tigane ke lefelo le le fitlhelwang mo mmileng wa R503, o o simologang kwa mmileng ya N12, o o golaganyang lefelo la Klerksdorp le mafelo a a tswelelang go ya go feta Hartbeesfontein, Coligny le Lichtenburg, go ya go tsena kwa Mahikeng.

Kaelo tsela

Kaelo eno ya tsela ke e e fitlhisang mo lefelong la Tigane fa o ja nala.

Fa o tsena ka lefelo le o amogelwa ke lefika le le mametleletsweng fano le le sweu ka mmala, le bo le kwalwa 'Welcome to TIGANE City of People on The Move' ka ditlhaka tse di tshweu ka mmala di kopantswe le mmala o serolwana o o emisetsang leina la lefelo 'TIGANE', tse di kwadilweng mo godimo ga mmala o botala jwa tlhaga.

Fa o tswa o tlhaga ntlheng ya mafelo a a tlogang go tswa kwa Coligny mo R503, o tsena ka tsela khutshwane ka fa molemeng, mme fa o tlhaga kwa Klerksdorp kgotsa Ottosdal o fetsa go feta Hartbeesfontein gona mo R503 go se go leele, o tsena ka tsela khutshwane ka fa mojeng.