Tlou Segolela

Tlou Segolela(a tshotswe 1 Mopitlo 1988) ke motshameki wa kgwele ya dinao wa pele wa mo Aforika Borwa yoo tshamekileng mo gare mme a tshamikile thata mo mots’ats’eng mo letsogong la moja. Segolela o tsholetswe kwa Moletije fo bapa le Polokwane mo Transvaal  mme balatedi ba kgwele ya dinao ba mmitsa “Gautrain” le “Riya Vaya” ba raya gore “ rea tsamaya / are tsamaye” ka ntlha ya lebelo la gagwe. Ene ele karolo ya setlhopha sa Orlando Pirates se se fentseng dijana   tse tharo gabedi mo ditlheng tse pedi tsa liga tsedi tlhomaganeng(2011-12&2010-11)tseo di akaretsang go fenya bosimega jwa liga gabedi. Seabe sa gagwe se se kgatlhileng leitlho ke fa ane a tsaa sekhutlo se sentle seo se feleditseng ele nno e noswa ke Isaac Chansa kwa ntle ga bokose mo motsotsong ya masome a robabobedi le botlhano mo motshamekong wa bofelo wa setlha sa liga. Ka nako eo setlhopha sa Pirates se ne se palalane le setlhopha sa Arrows ka nno go setlhopha,  mme e tlhoka nno fela go gapa bosimega jwa liga morago ga dingwaga di supa entse e retelelwa. Morago ga nno ee nositsweng ke Chansa pirates ene ya fenya motshameko ka nno tse pedi go ele nngwe ya Arrows.

Tlou Segolela one a gapa seetsele sa nno ee gaisitseng ya setlha ka nno eo ae nositseng kgatlhanong le setlhopha sa Free State Stars kwa lebaleng la Botchabelo. O tsere kgwele kafa letlhakoreng la gagwe mme go sena yoo mo thusang wa batshameki ba setlhopha sa gagwe, a feta ka basireletse ba setlhopha sa FS Stars baka nna bane go tsena botlhano, mme motshwara dinno a tswa mo moleng fa Segolela a fapaanya kgwele le ene mme ya atlana le letlowa. Nno e e ne ya tshwantshanngwa le ya ngwaga wa 1986 e noswa ke mogaka wa maloba wa kgwele  ya dinao Maradona , kwa dikgaisanong tsa sejana sa lefatshe kwa Mexico ka go bo  di  agilwe  ka go tshwana.

Tiro mo setlhopheng sa sechaba

Otshamikile motshameko wa gagwe wa ntlha mo setlhopheng sa sechaba ka ngwaga wa 2010, a tlhagelela makgetho a le mane mo setlhopheng fa  a nositse makgetho a le mabedi fela.

Magokaganyi aa kwa Ntle

Tlou Segolela at National Football Teams.com