Yemi Adenuga

Oluwayemi "Yemi" Adenuga (nee Solaru) ke lepolotiki la letso la Nigerian-Irish, mogokaganyi wa tsa baagelani gape e le mmueledi wa merero ya tsa tekatekanyo. Ka Motsheganong, ngwaga wa 2019, o ne a nna mme wa ntlha go tlhophiwa go emela sechaba ko Ireland mo Meath County Council. O theile gape, mananeo a thutuntsho, a bomme le banana, a nna moanelwa-mogolo mo thulaganyong ya thelebishine Gogglebox Ireland, a bo a dira ele mogasi wa seromamowa le thelebishine.

Oluwayemi Adenuga
Adenuga in 2012
Meath County Council
Incumbent
Assumed office Motsheganong 2019 (2019-05)
Ka Ga Ena
O tsetswe	Nigeria
Mokgatlho	Fine Gael
Mo/Bakapelo	Deji Adenuga
Thuto	Liverpool John Moores University, University College Dublin

Botshelo jwa pele le thuto

Adenuga o tshotswe kwa Nigeria, a bo a golela mo toropong, kwa ntle ga Lagos. E ne e le ngwana wa lesome le borataro, mo go ba ba masome a mabedi le bosupi, ba rre yoo neng a nyetse bomme ba le basupa. Ka 2020, Adenuga o ne a bolelela Irish Independent, "Ke goletse mo diemong tse eleng gore, ke le mosetsana, ke ne ke sa fiwe sebaka."

Adenuga o feditse dithuto tsa gagwe tsa Diploma in Business Studies ka 2008, tsa Bachelors of Business Studies ka 2010, le tsa post-graduate certificate ka 2016, kwa University College Dublin. O feditse dithuto tsa MBA kwa Liverpool John Moores University.

Tiro

Adenuga o berekile ele mogasi wa seromamowa le thelebishene ko Nigeria, dingwaga di le lesome, pele a fudugela kwa Ireland ka 2000. Ka 2004, morago ga go fudugela kwa Ireland le ba lelwapa la gagwe, a seka a bona tiro mo madirelong a tsa kgaso, mme ae bona mo go tsa accounting.

Adenuga o ne a nna moanelwa-mogolo mo thulaganyong ya matshelo a batho ya Googlebox Ireland, dingwaga di le nne pele faa ka ya kwa ofising ya botlhophi. Morago ga go tlhagafala mo bonning jwa Navan dingwaga, pele o ne a gana tiro go tswa ko Fine Gael go tsenelela sepolotiki, mme morago a fetola mogopolo ka 2019, a nna mme wa ntlha ele motho montsho go tlhophiwa moemedi wa secahaba kwa Ireland, gape ele mokhanselara wa ntlha go fuduga mo Meath County Council. Adenuga o rile, o ne a sa solofela lebelo faa dumela go tsena mo ofising, mme a itemogela kgethololo faa ntse a le mo letsholong la tlhopho "Seo ka bosone ya bo ele lebaka tota la gore ke tsepame go fenya."

Morago fela ga ditlhopho, a ikgolaganya le mokhanselara Hazel Chu mo go lweleng go tsaa kgato go emisa kgethololo ya letso le mmala. Ka 2020, morago ga polao ya ga George Floyd, Meath County Council e ne ya amogela mogopolo wa gagwe wa go thusa ka tsa madi, go simolola lenaneo la thuto, le go nna lefatshe la ntlha mo Ireland go tsaa kgato phatlalatsa kgatlhanong le kgethololo ya letso le mmala. O lwetse gape melao ya tsa kgethololo kwa Ireland e akaretsa dikatlholo tsa go rumolana ka maranyane, a bo a thusa go rulaganyetsa bokopano jo botona jwa maranyane, kgatlhanong le kgethololo.

Adenuga o simolodisitse megopolo ya banni ele mmalwa, e akaretsa mananeo aa kgothatsang bomme le banana Sheroes Global Initiative le The Boys-to-Men project le le neng le ikemiseditse go godisa basimane, go nna borre ba ba siameng, Meath Stand Against Racism education campaign, Sheroes Global, go rotloetsa bomme le banana, le the Yemi Adenuga Mentorship and Leadership Program (YAMAL), go rutuntsha bomme le banana. O direla gape mo kopanong ya Cultur, bokopano jwa banni jo bo emeng nokeng bafudugi, batshabi le bafaladi.

Adenuga o simolodisitse lenaneo la Sheroes kwa Ireland ka 2012, a bo a le bula kwa Nigeria ka 2018, morago ga go dira mo lefatsheng dingwaga di le pedi.

Adenuga le monna wa gagwe ba okametse gape Nigerian Carnival Ireland, kompone ya tsa ngwao, kabakanyo le kakaretso, ee isang mananeo kwa Ireland le Nigeria.

Botshelo jwa gagwe

Adenuga ke mme wa bana ba le banegape o nyetswe ke Deji Adenuga, modiragatsi wa letso la Nigeria, yo e ne gape ele mmolotsa-letsholo la gagwe.

Metswedi e mengwe

• official website